ءبىلىم جانە عىلىم مينيسترلىگىنىڭ قىزمەتكەرلەرى ارىستاعى جارىلىس كەزىندە جۇكتى ايەلدى بوساندىرعاندارىن ايتتى دەپ حابارلايدى Qamshy.kz اقپارات اگەنتتىگى.
24 ماۋسىم كۇنى ارىستا ۇلتتىق ءبىرىڭعاي تەستىلەۋ بولدى. مينيسترلىك وكىلدەرى ۇبت وتكىزۋ ءۇشىن جىبەرىلدى. جارىلىس بولعان ساتتە ولار تەستىلەۋ پۋنكتىندە بولدى.
"جارىلىس بولعان ۋاقىتتا نە ىستەرىمىزدى بىلمەي، قاشا باستادىق. قالانى بىلمەگەندىكتەن، قايدا بارارىمىزدى بىلمەدىك. اياعىمىز قانسىراي جۇگىردىك. سىرتتا كولىكتەر بالالاردى الىپ كەتىپ جاتتى. ءبىز بالالار بارسىن دەپ، كولىككە وتىرمادىق. جاياۋ جۇردىك. ءبىر كەزدە جاس جىگىت توقتادى. ەسىمى دوسمۇحامەد. ءبىزدى 41-اۋىلعا دەيىن جەتكىزىپ تاستادى. جول بويىندا اجەلەردى، بالالاردى الدى"، - دەيدى بعم قىزمەتكەرى جانات نۇرجۇمانوۆا.
ولار جۇكتى ايەلدى كورىپ، بوسانۋعا كومەكتەسكەن. بالبوپە وتەنوۆا مەن جانات نۇرجۇمانوۆا، شايزا دوسكايەۆا، اقجار اۋىلىندا بارار جولدا جۇكتى ايەلدى بوساندىردى.
"جۇكتى ايەل وتە مىقتى ەكەن. تاڭەرتەڭ تولعاعى باستالىپ، ارىسقا اۋرۋحاناعا بارعان. الايدا جارىلىس بولىپ، ول جەردەن اكۋشەرمەن بىرگە قاشقان. بىرنەشە شاقىرىمدى جاياۋ جۇرگەن. ءبىزدىڭ كولىك توقتاعانعا دەيىن جاياۋ ءجۇرىپتى. جۇكتى ايەلدىڭ شىدامى تاۋىسىلعاندا ءبىرىنشى كەزدەسكەن ۇيگە توقتادىق. ءبارى ءساتتى ءوتتى"، - دەدى بالبوپە وتەنوۆا.
ايتۋىنشا، ءسابي ۇلكەن بولعاندىقتان بوسانۋ قيىن بولدى.
"بويجەتكەن قۋانىشتان بالاسىنىڭ ەسىمىن كولىك جۇرگىزۋشىسىنىڭ قۇرمەتىنە قويماق ەدى. ومىرگەكەلگەن ءسابي قىز بالا بولدى. سوندىقتان جۇرگىزۋشىنىڭ اناسىنىڭ ەسىمىمەن كاميلا دەپ قويدى"، - دەيدى ول.
بوسانعان ايەلدىڭ ەسىمى كەنجە. 1996 جىلى تۋعان قىز. بۇل ونىڭ ەكىنشى بالاسى ەكەن. مينيسترلىك قىزمەتكەرلەرى ايەلدىڭ كۇيەۋىنە اكە بولعانىن حابارلاپ، وزدەرى ءارى قاراي كەتتى. ءقازىر قىزمەتكەرلەر نۇر-سۇلتانعا قايتۋدا.
پىكىر قالدىرۋ