بەلسەندى ءالنۇر يلياشيەۆ ءوزىنىڭ فەيسبۋك الەۋمەتتىك جەلىسىندە الماتىدا بەيبىت ميتينگ وتكىزۋگە بىرنەشە رەت تالپىنىس جاساپ، اقىر سوڭىندا رۇقسات العانىن جاريالادى دەپ حابارلايدى Qamshy.kz اقپارات اگەنتتىگى.
ميتينگكە قاتىستى الماتى قالاسىنىڭ اكىمدىگى ارنايى قاۋلى شىعاردى.
بەيبىت ميتينگ 30 ماۋسىم 2019 جىلى، «سارى ارقا» كينوتەاترىنىڭ ارتىندا وتەدى. ميتينگتى ساعات 10.00-دەن 12:00-گە دەيىنگى ارالىقتا وتكىزۋگە رۇقسات ەتىلگەن.
"ءوزىمىز جاساعان ءبىرقاتار جۇمىستان كەيىن عانا ءبىز بەيبىت ميتينگ وتكىزۋگە رۇقسات الدىق. ەندى ازاماتتاردىڭ ميتينگ وتكىزۋ قۇقىعىن نەگىزدى قىلۋ ءۇشىن بەيبىت شەرۋدى دۇرىس ۇيىمداستىرىپ وتكىزۋ كەرەك"، - دەپ جازدى النۋر يلياشيەۆ.
يلياشيەۆ الماتى قالاسىنىڭ اكىمدىگىندە بەيبىت جيىن وتكىزۋ ءۇشىن 36-شى ءوتىنىشىن قالدىرعان. ال 20 ماۋسىمدا رۇقساتسىز ميتينگكە قاتىسقانى ءۇشىن ءوزىن 10 كۇنگە قاماۋعا الۋ تۋرالى تالاپپەن پوليسيا بولىمىنە كەلەدى. ول اكىمدىككە ءوتىنىش قالدىرىپ، بەيبىت شەرۋ وتكىزۋگە رۇقسات سۇراعان بولاتىن. پوليسيا دەپارتامەنتى بەلسەندىنىڭ بۇل وتىنىشىنە 15 كۇننىڭ ىشىندە جاۋاپ بەرەتىنىن ايتقان.
"پوليسيا دەپارتامەنتىنىڭ شتاب باسشىسى حاليل بابالييەۆ مەنىڭ ارىزىمدى وقىدى، كوزىن الارتىپ، بۇنىڭ ماعان نە ءۇشىن كەرەك ەكەنىن سۇرادى. مەن ءبىزدىڭ ەلىمىزدە كونستيتۋسيالىق قۇقىقتاردى ىسكە اسىرۋعا مۇمكىندىك بەرمەيتىن كەلەڭسىز جاعدايلار بار ەكەنىن ايتتىم. ول مەنىڭ وتىنىشىمە 15 كۇننىڭ ىشىندە جاۋاپ بەرەتىنىن ايتتى"، - دەدى بەلسەندى.
پىكىر قالدىرۋ