شاراعا ماڭعىستاۋ وبلىسى اكىمىنىڭ ءبىرىنشى ورىنباسارى ءاليحان قىراۋبايەۆ، ق ر مەملەكەتتىك قىزمەت ىستەرى اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ باسشىسى، ادەپ جونىندەگى كەڭەس ءتورايىمى نۇرگۇل جاننازاروۆا، وبلىستاعى باسقارما باسشىلارى، اۋدان-قالا اكىمدەرى، ءماسليحات، ارنايى جانە قۇقىق قورعاۋ، جەرگىلىكتى، سونىمەن قاتار ورتالىق اتقارۋشى ورگاندارى وڭىرلىك دەپارتامەنتتەرىنىڭ باسشىلارى، مەملەكەتتىك قىزمەت سالاسىنىڭ ارداگەرلەرى، ءىرى كاسىپورىن باسشىلارى، ادەبيەت، ونەر، مادەنيەت سالاسىنىڭ مايتالماندارى، ۇلتتىق ەتنومادەني ورتالىقتارىنىڭ وكىلدەرى، قوعام بەلسەندىلەرى جانە مەملەكەتتىك قىزمەتشىلەر قاتىستى.

مەرەكەلىك شارا ق ر مەملەكەتتىك گيمنىمەن باستالىپ، قىزمەتىن جاڭادان باستاعان مەملەكەتتىك قىزمەتشىلەردىڭ انت قابىلداۋ راسىمىمەن جالعاستى.

العاشقى بولىپ ءسوز العان ماڭعىستاۋ وبلىسى  اكىمىنىڭ ءبىرىنشى ورىنباسارى ءاليحان قىراۋبايەۆ، تاۋەلسىز ەلىمىزدە قولعا الىنىپ جاتقان جاسامپازدىق جوبالاردى، باياندى باعدارلامالاردى جۇزەگە اسىرۋ جولىنداعى جۇمىستاردىڭ باستاماسى  مەن جاۋاپتى قىزمەتتە ەڭبەك ەتىپ جاتقان مەملەكەتتىك قىزمەتشىلەردىڭ ەڭبەگى زور دەدى. سانالى عۇمىرىن مەملەكەتتىك قىزمەتكە ارناپ، ونىڭ دامۋىنا زور ۇلەس قوسقان ارداگەرلەر دە، بۇل سالاداعى قىزمەتىن جاڭادان باستاپ كەلە جاتقان، جالىندى جاستار دا بارشىلىق ەكەندىگىن اتاپ ءوتتى.

شارا بارىسىندا وبلىس  اكىمىنىڭ ءبىرىنشى ورىنباسارى «قازاقستان رەسپۋبليكاسىنىڭ ۇزدىك مەملەكەتتىك قىزمەتشىسى» رەسپۋبليكالىق بايقاۋىنىڭ جەڭىمپازدارى اسەل بالمانوۆا مەن راۋشان كەسىكبايەۆانىڭ ەسىمدەرىن ەرەكشە اتاپ ءوتتى. ال اتالمىش بايقاۋدىڭ وبلىستىق 4 جەڭىمپازىنا العىس حات تابىستالاتىن بولادى.

سونداي-اق، قىزمەتتەگى ەڭبەگى ءۇشىن كوزگە تۇسكەن ءبىرقاتار مەملەكەتتىك قىزمەتشىلەر العىس حاتقا يە بولدى. ونەر مەن مادەنيەتتە، سپورت، عىلىم سالاسىندا جانە قىزمەتتە ەرەكشە جەتىستىكتەرگە قول جەتكىزگەنى ءۇشىن دە ماراپاتتالعاندار از بولمادى. سونىمەن بىرگە، دەپارتامەنت تاراپىنان ۇيىمداستىرىلعان شىعارماشىلىققا جاقىن مەملەكەتتىك قىزمەتشىلەر اراسىنداعى وبلىستىق ءمۇشايرا جەڭىمپازدارى مەن «مەملەكەتتىك قىزمەت – مەنىڭ تاڭداۋىم» تاقىرىبىنداعى دايىندالعان بەينەروليك ۇزدىگى دە ماراپاتتالدى.  

وسىلايشا، مەملەكەتتىك قىزمەتشىلەر كۇنىنە ارنالعان مەرەكەلىك شارا كونسەرتتىك باعدارلامامەن جالعاسىن تاپتى.