ءپىر بەكەت اتا اقمەشىتىنىڭ يمامى، قالامگەر، يسلام قاجى مىرزابەك ۇلىنىڭ «ءابىلقايىر حان مەن بوپاي حانىم» تۋرالى جازىلعان كىتابىنىڭ ەكىنشى باسىلىمى جارىق كوردى. جاڭا تۋىندىنىڭ تانىستىرىلىمى  عالىمدار، كىتاپحاناشىلار، وڭىرلىك ساراپتاۋ كەڭەسىنىڭ مۇشەلەرى، وقىرماندار قاتىسۋىمەن ءوتتى.

-ورىس ادەبيەتتەرى ءابىلقايىردىڭ رەسەيگە جازعان حاتىن ورىس عالىمدارى بۇرمالاپ، قاتە اۋدارعان. سەمەي ۋنيۆەرسيتەتىنىڭ وقىتۋشىسى اۋدارما جاساپ، باتپاقتان اشىپ الدى. مەن ونى كىتاپقا ەنگىزدىم. بوپاي حانىم ورىس پاتشايىمدارى ەليزاۆەتا، اننامەن تەرەزەسى تەڭ بولعان، ءوزىنىڭ ءمورى بولعان. وسىلاردى زەرتتەپ، ارحيۆتە بولىپ، نيەتتەندىم. اقتاۋعا كەلىپ، تاراتۋدامىن، دەيدى اۆتور يسلام مىرزابەك ۇلى.

بوپاي حانىم ەل باسقارۋ ىسىندە ءابىلقايىر حاننىڭ سەنىمدى ءارى اقىلدى سەرىگى بولىپ، ىشكى جانە سىرتقى ماسەلەلەردى شەشۋگە اتسالىسىپ، ديپلوماتيالىق قاتىناستاردى رەتتەپ وتىرعان.  ونىڭ ازاماتتىق، قايراتكەرلىك تۇلعاسى، اسىل انا رەتىندە تاربيەلىك ونەگەسى دە - ۇرپاققا ۇلگى. «رۋحاني جاڭعىرۋ» باعدارلاماسى اياسىندا كىتاپتىڭ 500 داناسى شىعارىلعان.  اۆتور شارادا وبلىستىق، اۋدان-قالالاردىڭ ورتالىق كىتاپحانالارىنا، يسلام مىرزابەك ۇلىنىڭ كىتاپحانا قورىنا ارنايى ءوزى تابىستادى. ءارى قاراي، اقتوبەدە، ورالدا، اتىراۋدا تانىستىرىلىم بولماق.

-ءابىلقايىر حان تۋرالى قانشاما كىتاپ بولدى. بوپاي حانىم تۋرالى بۇل العاشقى كولەمدى شىعارما. يسلام مىرزابەك ۇلى وتە ءىزدانىمپاز، وتە جاقسى جازعان، دەيدى وقىرمان سالامات نۇر ۇلى.