اپات بولعان ارىس قالاسىنداعى تۇرعىن ۇيلەردى قالپىنا كەلتىرۋگە شىعىس قازاقستاننان 25 قۇرىلىس كومپانياسى قاتىسادى. بۇل جونىندە ارىسقا ارنايى بارىپ قايتقان وبلىس اكىمى دانيال احمەتوۆ ءمالىم ەتتى دەپ جازادى Qamshy.kz اقپارات اگەنتتىگى. 

– ءبىزدىڭ وبلىس بەس ۆاگون (300 توننا) سەمەنت جەتكىزىپ بەرۋگە ءازىر. شىعىس-قازاقستاندىق قۇرىلىسشىلار 541 تۇرعىن ءۇي مەن نىساندى قىسقا مەرزىمدە قالپىنا كەلتىرىپ بەرەدى. ولاردىڭ 522ء-سى جەكە تۇرعىن ءۇي بولسا، 15ء-ى كوممەرسيالىق نىسان، ال قالعانى بالاباقشا، كوللەدج، وقۋ ورتالىعى مەن مەشىت سياقتى الەۋمەتتىك عيماراتتار، – دەيدى دانيال احمەتوۆ. 

رەسمي اقپاراتقا جۇگىنسەك، شىعىستان ارىس قالاسىنا بارلىعى 25 قۇرىلىس كومپانياسى مەن 750-دەن مامان باراتىن بولدى. بۇدان بولەك قاجەت بولعان جاعدايدا ۇيلەردىڭ شاتىرى مەن تەرەزەسىن ورناتۋعا 190 مامان قوسىمشا تارتىلادى. 

بۇگىنگى تاڭدا شىعىس قازاقستان وبلىسى اكىمىنىڭ ورىنباسارى باقىتجان باياحمەتوۆ باستاعان ءبىرقاتار جاۋاپتى تۇلعا تۇركىستان وبلىسىندا ءجۇر.