6 شىلدە استانا كۇنى جانە قازاقستاننىڭ تۇڭعىش پرەزيدەنتى، ەلباسى تۋعان كۇنى قارساڭىندا ساۋد ارابياسى كورولدىگىنىڭ استاناسى ەر-رياد قالاسىندا «پرەزيدەنت نۇرسۇلتان ءابىش ۇلى نازاربايەۆتىڭ ساياساتكەرلىك فەنومەنى» تاقىرىبىنا «دوڭگەلەك ۇستەل» ۇيىمداستىرىلدى. بۇل تۋرالى «قامشى» پورتالى ق ر پرەزيدەنتى جانىنداعى ورتالىق كوممۋنيكاسيالار قىزمەتىنە سىلتەمە جاساي وتىرىپ حابارلايدى.
دوڭگەلەك ۇستەلدى قازاقستاننىڭ ساۋد ارابياسىنداعى توتەنشە جانە وكىلەتتى ەلشىسى باقىت باتىراشيەۆ اشىپ، قازاقستاننىڭ پرەزيدەنتى نۇرسۇلتان نازاربايەۆتىڭ باسشىلىعىمەن قول جەتكىزگەن ساياسي، الەۋمەتتىك-ەكونوميكالىق سالالارىنداعى زور جەتىستىكتەرىنە توقتالدى.
ءوز كەزەگىندە، «دوڭگەلەك ۇستەلگە» قاتىسۋشىلار دا ن. نازاربايەۆتىڭ حالىقارالىق ارەناداعى ساياسي فەنومەنى جانە ونىڭ قازاقستان مەن ساۋد ارابياسىنىڭ ەكى جاقتى ىنتىماقتاستىعىن دامىتۋعا قوسقان ۇلەسىن ەرەكشە اتاپ ءوتتى.
ءىس-شارا شەڭبەرىندە پرەزيدەنت جانە قازاقستاننىڭ تاۋەلسىزدىك جىلدارى ەكونوميكالىق جانە الەۋمەتتىك-مادەني دامۋ سالالارىنداعى جەتىستىكتەرى تۋرالى دەرەكتى فيلم كورسەتىلدى.
ايتا كەتەيىك، وسىعان دەيىن نۇرسۇلتان نازاربايەۆتى قىرعىزستان رەسپۋبليكاسىنىڭ پرەزيدەنتى المازبەك اتامبايەۆ I دارەجەلى "ماناس" وردەنىمەن ماراپاتتادى.
ال تاتارستان استاناسى قازان قالاسىنىڭ كوشەلەرىنىڭ بىرىنە نۇرسۇلتان نازاربايەۆتىڭ ەسىمى بەرىلدى.
سونداي-اق، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو بەلارۋس پەن قازاقستان اراسىنداعى دوستىق قارىم-قاتىناستاردىڭ جانە ستراتەگيالىق ىنتىماقتاستىقتىڭ دامۋىنا قوسقان قوماقتى ۇلەسى ءۇشىن قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتى "حالىقتار دوستىعى" وردەنىمەن ماراپاتتادى.
رەسەي پرەزيدەنتى ۆلاديمير پۋتين نۇرسۇلتان نازاربايەۆتى “الەكساندر نيەۆسكيي” وردەنىمەن ماراپاتتادى. اتالمىش وردەن مەملەكەت قۇرىلىمىندا ەرەكشە جۇمىستارى ءۇشىن، كوپجىلدىق ەرىكتى قىزمەتى مەن قىزمەت جولىندا جوعارى ناتيجەلەر كورسەتىپ، رەسەيدىڭ حالىقارالىق بەدەلى مەن وتان قورعاۋ قابىلەتىن كۇشەيكەنى ءۇشىن، ەكونوميكا، عىلىم، ءبىلىم، مادەنيەت، ونەر، دەنساۋلىق ساقتاۋ سالالارىن جەتىلدىرگەنى ءۇشىن بەرىلەدى. سونىمەن بىرگە، شەتەلدىك بەلگىلى ساياساتكەرلەر مەن قوعام قايراتكەرلەرىنە دە بەرىلەدى.
