مەملەكەت باسشىسىنىڭ قازاقستان حالقىنا جولداۋىن تالقىلاۋعا ارنالعان ۇكىمەت وتىرىسىندا ق ر پرەمەر-مينيسترىنىڭ ورىنباسارى جەڭىس قاسىمبەك 2019 جىلدىڭ سوڭىنا دەيىن باسپانا كەزەگىندە تۇرعان ادامداردىڭ ءبىرىڭعاي رەسپۋبليكالىق بازاسى قوسىلاتىنىن ايتتى، دەپ حابارلايدى Qamshy.kz اقپارات اگەنتتىگى.
"قازىرگى تاڭدا باسپانا الۋ ءۇشىن اكىمدىكتەردە 512 مىڭعا جۋىق ادام كەزەكتە تۇر. كەزەكتى ءبىرىڭعاي ەسەپكە الۋ تاپسىرماسى اياسىندا جىلدىڭ سوڭىنا دەيىن كەزەكتە تۇرعان ادامداردىڭ ءبىرىڭعاي رەسپۋبليكالىق بازاسىن قوسامىز"، – دەدى ول.
وسى ورايدا ۆيسە-پرەمەر "نۇرلى جەر" باعدارلاماسىن ىسكە اسىرۋ اياسىندا تۇرعىن ءۇي قانداي تارتىپپەن بەرىلەتىندىگىن ايتتى.
"بىرىنشىدەن كوپبالالى وتباسىلارعا اقىسىز نەگىزدە جالدامالى تۇرعىن ءۇي بەرىلەتىن بولادى. بۇل ءۇشىن 2025 جىلعا دەيىن 350 ملرد تەڭگە بولىنەدى. مەملەكەت باسشىسىنىڭ تاپسىرماسىنا سايكەس ۇكىمەت ءۇش جىلدىڭ ىشىندە 30 مىڭ پاتەر ءبولۋ بويىنشا شارالار قابىلدايتىن بولادى. ەكىنشىدەن، جىل سايىن 3 700 كەزەكتە تۇرعان الەۋمەتتىك جاعىنان وسال ازاماتتارعا ساتىپ الۋسىز جالعا بەرىلەتىن تۇرعىن ۇيمەن قامتاماسىز ەتۋگە 32،8 ملرد تەڭگە بولىنەدى. ۇشىنشىدەن، "باقىتتى وتباسى" باعدارلاماسى بويىنشا كوپبالالى وتباسىلارعا، تولىق ەمەس جانە مۇگەدەك بالالارى بار وتباسىلارعا نەسيە بەرۋگە 3 جىل ىشىندە "تۇرعىنۇيقۇرىلىسجيناقبانكى" ارقىلى 50 ملرد تەڭگەدەن بولىنەتىن بولادى"، – دەدى جەڭىس قاسىمبەك.
سونىمەن قاتار ول مەملەكەت باسشىسىنىڭ تاپسىرماسىنا سايكەس ۇكىمەت جىل سايىن 10 مىڭ پاتەر ءبولۋ بويىنشا شارالار قابىلدايتىندىعىن اتاپ ءوتتى.
پىكىر قالدىرۋ