ماڭعىستاۋ وبلىسىندا كاسىپكەرلەرگە ارنالعان «ساتتىلىك مارافونى» اتتى فورۋم ءوتتى. تاجىريبەلىك ترەنينگ ناتيجەسىندە كاسىپكەرلەر بيزنەس-جوسپار جاساپ، ءوز يدەيالارىن ساراپشىلاردىڭ قولداۋىمەن ناقتى بيزنەسكە اينالدىرۋعا قادام جاسادى. سونداي-اق، فورۋم قاتىسۋشىلارى ستارتاپتى قالاي جىلدام اقتاۋعا بولاتىنى جايىندا، سالىققا قاتىستى بارلىق ماسەلەلەردى جانە نولدىك بيۋدجەتپەن ماركەتينگتىڭ قانداي قۇرالدارىن قولدانۋعا بولاتىنى تۋرالى جان-جاقتى ماعلۇمات الا الدى. اتالمىش جوبا ماڭعىستاۋ وبلىسىنداعى جاڭا باستاعان كاسىپكەرلەردىڭ يننوۆاسيالىق جانە بيزنەس يدەيالارىن قولداۋعا، ءارى دامىتۋعا جاسالعان ۇلكەن مۇمكىندىك.

ماڭعىستاۋ وبلىسىنىڭ كاسىپكەرلىك جانە ساۋدا باسقارماسىنىڭ باسشىسى ۆەنەرا تۇران قىزىنىڭ ايتۋىنشا، وسىنداي ءىس-شارالار ارقىلى ايماقتا كاسىپكەرلىكتى دامىتۋ - ايماقتىڭ ەكونوميكالىق الەۋەتىنىڭ وسۋىنە ىقپال ەتەدى جانە جەرگىلىكتى بيزنەس-قاۋىمداستىق ءۇشىن جاڭا مۇمكىندىكتەر اشادى.

«شەلل قازاقستان» الەۋمەتتىك ماسەلەلەر جونىندەگى كەڭەسشىسى جۇلدىز عالياكپار: فورۋمنىڭ نەگىزگى مىندەتى – بۇرىننان كەلە جاتقان جانە جاڭا باستاعان كاسىپكەرلەردىڭ وسۋىنە مۇمكىندىك بەرۋ، ولاردى كاسىپكەرلىكتىڭ وزىق داعدىلارىنا ۇيرەتۋ ەكەنىن اتاپ ءوتتى.

قازاقستانداعى ەقدب شوب قارجىلاندىرۋ جانە دامىتۋ باعدارلاماسىنىڭ جەتەكشى مەنەدجەرى الما قاسىموۆا ءوز كاسىبىن دامىتۋدى قالايتىن كاسىپكەرلەرگە فورۋم شەڭبەرىندە تانىساتىن مۇمكىندىكتەر تۋرالى ايتىپ بەردى. مۇنداي قادام جينالعان قاۋىم تاراپىنان قولداۋ تاپتى. ولار كوپتەگەن سۇراق قويىپ، بىلىكتى مامانداردان جاۋاپ الدى.

كاسىپكەرلىك سالاسىنداعى سوڭعى ترەندتەر تۋرالى «Red Point Kazakhstan» ماركەتينگتىك كوممۋنيكاسيا سەرۆيسىنىڭ نەگىزىن قالاۋشى اسەل قوجاقوۆا، TopSales باسشىسى اسەم كۇزەنبايەۆا، قازاقستان كاسىپكەرلەرى مەن بۋحگالتەرلەر قاۋىمداستىعىنىڭ پرەزيدەنتى دميتريي كازانسيەۆ پەن باسقا سپيكەرلەر ءسوز قوزعادى. «MIMIORIKI» بالالار كيىمىنىڭ قازاقستانداعى تۇڭعىش برەندىنىڭ نەگىزىن قالاۋشى يننا اپەنكو ءىس-شارانىڭ حەدلاينەرى بولدى.