بۇگىن ماڭعىستاۋ وبلىسى اكىمىنىڭ ورىنباسارى نۇرلىباي اققۇلوۆ قازاقستان رەسپۋبليكاسىنداعى جاپونيا ەلشىلىگىنىڭ ءبىرىنشى حاتشىسى يسيبيكي يۋكيونى قابىلدادى. كەزدەسۋ اياسىندا تاراپتار ەكى ەل اراسىنداعى ساۋدا-ەكونوميكالىق ىنتىماقتاستىقتىڭ قازىرگى جاي-كۇيى جانە بولاشاعى تۋرالى باياندادى. سونداي-اق، تۋريزم، لوگيستيكا جانە ەنەرگەتيكا سالالارىن دامىتۋ ماسەلەلەرىن تالقىلادى. 
ايتا كەتەيىك، ماڭعىستاۋ وبلىسى مەن جاپونيا اراسىنداعى ءوزارا ساۋدا كولەمى 2019 جىلدىڭ قاڭتار-شىلدەسىندە 3،668،38 مىڭ دوللاردى قۇرادى، بۇل 2018 جىلدىڭ سايكەس كەزەڭىمەن سالىستىرعاندا 35،6% -عا كوپ.
كەزدەسۋ سوڭىندا يسيبيكو يۋكيو ماڭعىستاۋ وبلىسىنىڭ باسشىلىعىنا تىعىز ىنتىماقتاستىق ءۇشىن العىس ءبىلدىرىپ، بىرلەسكەن جۇمىس ناتيجەسىندە قۇندى تاجىريبە جيناقتاعانىن ايتتى.
پىكىر قالدىرۋ