مۇنى  ماڭعىستاۋ اۋدانىنىڭ اكىمى تىلەك جەتكىزگەن ۇلى كوشماعانبەتوۆ مالىمدەدى.

  ەلدى مەكەندەر اراسىنا جول سالۋ، اۋىلىشىلىك اۆتوكولىك جولدارىن اسفالتتاۋ جۇمىستارىن  باستى نازاردا ۇستاپ وتىرمىز. قازىرگى تاڭدا اۋداندا كوپتەگەن اۆتوكولىك جولدارىن اسفالتتاۋ جۇمىستارى جۇرگىزىلۋدە.

            شەتپە-قىزان اۆتوكولىك جولىنىڭ 49-85 شاقىرىم ارالىعىن اسفالتتاۋ جۇمىستارىنا 2018 جىلى  – 23،2 ملن. تەڭگە ءبولىنىپ، يگەرىلسە، 2019 جىلعا – 207،1 ملن.تەڭگە ءبولىنىپ، ونىڭ 122،1 ملن. تەڭگەسى يگەرىلگەن. الداعى رەسپۋبليكالىق بيۋدجەتتى ناقتىلاۋ كەزىندە جولدىڭ قالعان بولىگىنە قاجەتتى قارجى بولىنەدى دەپ كۇتىلۋدە.

شەبىر اۋىلىشىلىك اۆتوكولىك جولى قۇرىلىسىنىڭ جۇمىسى جۇرگىزىلىپ جاتىر. بيىلعا بولىنگەنى 30 ملن. تەڭگە، جالپى جوبا قۇنى – 379 ملن.تەڭگە.

شەتپە-ۇشتاعان اۆتوكولىك جولىن ورتاشا جوندەۋ جۇمىسىنا 2018 جىلعا - 390 ملن. تەڭگە قارالىپ، 30 شاقىرىم اۆتوكولىك جولىنا ورتاشا جوندەۋ جۇمىستارى جۇرگىزىلدى. بيىلعا – 555 ملن. تەڭگە قارالىپ، قۇرىلىسى جۇرگىزىلۋدە، جۇمىس وسى جىلى اياقتالادى.

تۇششىقۇدىق اۋىلىنا كىرە بەرىس 29 شاقىرىم جولدىڭ دا ورتاشا جوندەۋ جۇمىستارى جۇرگىزىلۋدە.

شەتپە-قىزان اۆتوكولىك جولىنىڭ شەتپەدەن شىعا بەرىس 21 شاقىرىم جولىنا وسى جىلعا – 235،2 ملن. تەڭگە قارجىسى ءبولىندى. «دورستروي» ج ش س جەڭىمپاز اتانىپ، جوندەۋ جۇمىستارى جۇرگىزىلۋدە. شارت سوماسى – 333،4  ملن. تەڭگە.

كىزان-اكشىمىراۋ اۆتوكولىك جولىن ورتاشا جوندەۋ جۇمىسىنا دا بيىل – 193 ملن. تەڭگە قارجىسى ءبولىنىپ، جۇمىستارى باستالدى.

جىڭعىلدى-شايىر-شەرقالا مەكەنى اۆتوكولىك جولىن قايتا قۇرىلىمداۋ جۇمىسى جۇرگىزىلۋدە. جولدىڭ ۇزىندىعى 29،5 شاقىرىم. جوبا قۇنى – 2،7 ملرد.تەڭگە.  بۇل جۇمىس تا كەلەسى جىلى اياقتالۋى ءتيىس.

«اۋىل – ەل بەسىگى» باعدارلاماسى اياسىندا شەتپە اۋىلىشىلىك شەتپە 1 - ورتالىق كوشەلەرىنىڭ اۆتوكولىك جولدارىنا ورتاشا جوندەۋ جۇمىستارى باستالدى. ۇزىندىعى – 4،8 شاقىرىم. جوبا قۇنى – 199،5 ملن.تەڭگە. قاراشا ايىنا دەيىن جۇمىستارى اياقتالۋى ءتيىس. سونىمەن بىرگە  ورتالىق - قۇرىلىسشى كوشەلەرىنىڭ اۆتوكولىك جولدارىنا ورتاشا جوندەۋ جۇمىستارى دا وسى باعدارلاما اياسىندا جۇرگىزىلىپ جاتىر.