ماڭعىستاۋ اۋدانىندا 1712 بالانى قامتيتىن 26 مەكتەپكە دەيىنگى بالالار ۇيىمى،  22 جالپى ءبىلىم بەرەتىن مەكتەپ، 1 كاسىبي-تەحنيكالىق كوللەدج بار.

بيىلعى ۇلتتىق ءبىرىڭعاي تەستىلەۋگە مەكتەپ بىتىرۋشىلەردىڭ 96،8 پايىزى،  ياعني 446 مەكتەپ ءبىتىرۋشىنىڭ 432ء-سى  قاتىستى. ورتا ۇپاي  85،8ء-دى قۇرادى.

بيىلعى جىلدىڭ وزىندە ەكى جەكەمەنشىك بالا باقشا اشىلىپ، بالا باقشامەن قامتىلۋ كورسەتكىشى 100 پايىزدى قۇراپ وتىر.

اۋداندا ءۇش اۋىسىممەن وقيتىن مەكتەپ جوق. الايدا اۋدان ورتالىعىنىڭ حالقىنىڭ سانىنىڭ ارتۋىنا بايلانىستى شەتپە اۋىلىنان 600 ورىندىق ءبىر مەكتەپ جانە بەكى اۋىلىنان 120 ورىندىق ورتالاۋ مەكتەپ سالۋ قاجەتتىلىگى تۋىنداپ وتىر.

         2019 جىلى «ديپلوممەن اۋىلعا» باعدارلاماسىمەن 96 مامانعا 16،9 ملن. تەڭگە ءبىر جولعى كوتەرمە جاردەماقى بەرىلدى (70 ايلىق ەسەپتىك كورسەتكىش، 176 750 تەڭگە).   سونىمەن قاتار، 61 مامانعا ءتۇرعىن-ۇي ساتىپ الۋعا 231 ملن. تەڭگە بيۋدجەتتىك كرەديت بەرىلگەن.

دەنساۋلىق ساقتاۋ سالاسىنا كەلسەك 22 مەملەكەتتىك مەديسينالىق مەكەمەلەر حالىققا قىزمەت كورسەتەدى، ونىڭ ىشىنە ورتالىق اۋداندىق اۋرۋحانا، ورتالىق اۋداندىق ەمحانا، 10 مەديسينالىق ديسپانسەر، 8 مەديسينالىق پۋنكت، ە.ورازاقوۆ اتىنداعى تۋبەركۋلەزگە قارسى ءساناتورييى كىرەدى.

اۋدان  بويىنشا  92 دارىگەر،  283 مەيىربيكە بار.     

2019 جىلى انا ءولىمى بولعان جوق.

جالپى اۋداندىق ورتالىق اۋرۋحانا مەديسينالىق قۇرال جابدىقتارمەن 80%-عا قامتىلىپ وتىر.

ءسابي ءولىمى دەڭگەيى 1000 ءتىرى تۋىلعاندارعا شاققاندا 2/3،2ء-نى قۇراپ وتىر، وتكەن جىلمەن سالىستىرعاندا ءبىرشاما ازايعان. (2018 جىلى – 7/11،2). 

تۋبەركۋلەزبەن اۋراتىندار سانى 100 تۇرعىنعا شاققاندا قاڭتار-تامىز ايلارىندا 9/25،9-دى  قۇرادى.

جاڭا فورماتتاعى اتاۋلى الەۋمەتتىك كومەك كورسەتۋ بويىنشا 2019 جىلدىڭ قاڭتار-تامىز ايلارى ارالىعىندا 497 وتباسىعا (2958 ادام) اتاۋلى الەۋمەتتىك كومەك تاعايىندالىپ، 46،8 ملن. تەڭگە تولەندى. 71 وتباسى تابىسىن جاسىرعانى ءۇشىن قارجىسىن كەيىن قايتارادى.