ءانشى، سازگەر نۇرلان ەسپانوۆتى ەندى «اكتەر» دەپ اتاۋعا دا ابدەن بولادى. سەبەبى، از ۋاقىت ارالىعىندا بىرنەشە كينوعا ءتۇسىپ ۇلگەرگەن جۇلدىز، تاعى ءبىر فيلمگە تۇسپەك.
قورقىنىشتى «ورمان» فيلمىندە باستى رولدەردىڭ ءبىرىن سومداعان نۇرلان مىرزا، كەيىن «جۇرەگىڭدى ءبىر تىڭداشى» اتتى جاڭا كينودا بوي كورسەتىپ، ارتىنشا ارنالاردىڭ بىرىنەن كورسەتكەن بولاتىن. سوڭعى اتالعان جوبا كوپتىڭ كوڭىلىنەن شىقتى ما، ەكىنشى ءبولىمى جاقىندا جالعاسىن تاپپاق. «جۇرەگىڭدى ءبىر تىڭداشى 2» فيلمىندە نۇرلان قاتال اكەنىڭ ءرولىن سومدايتىن بولسا، بوتا ەسىمدى ءانشى نۇرلاننىڭ جۇبايى بولادى. نۇرلاننىڭ ايتۋىنشا، كينوعا ءتۇسۋ بالا كەزدەگى ارمانى ەكەن. الايدا، انشىلىكتى تاستاپ ەشقايدى كەتپەيمىن دەگەن، انشىگە ساتتىلىك تىلەيمىز!
