مەملەكەت باسشىسى "2019-2021 جىلدارعا ارنالعان رەسپۋبليكالىق بيۋدجەت تۋرالى قازاقستان رەسپۋبليكاسىنىڭ زاڭىنا وزگەرىستەر ەنگىزۋ تۋرالى" زاڭىنا قول قويدى، – دەپ Qamshy.kz اقپارات اگەنتتىگى حابارلايدى.

ەلىمىزدەگى بيۋدجەتكە قانداي وزگەرىس ەنگىزىلدى؟

زاڭدى ازىرلەۋ كەزىندە 2019 جىلى ەلدىڭ الەۋمەتتىك-ەكونوميكالىق دامۋ بولجامىنىڭ كورسەتكىشى ەسەپكە الىنعان. سونداي-اق جىل باسىنان بەرى ەكونوميكا دامۋىنىڭ قارقىنىن ەسكەرىلگەن. ال 2019 جىلى قازاقستاننىڭ ىشكى جالپى ءونىمى ءوسىمىنىڭ كورسەتكىشى جوسپارلانعان 3،8% دەڭگەيىندە بولادى دەپ كۇتىلىپ وتىر. 

2019 جىلى مۇنايدىڭ باعاسى باررەلىنە 55 دوللار دەڭگەيىندە بولادى دەپ بولجانعان.

قازاقستان ۇلتتىق بانكىنىڭ بولجامىنا سايكەس، جىلدىق ينفلياسيا ءدالىزى 4-6% شاماسىندا ساقتالادى.

بيۋدجەتتى ناقتىلاۋدىڭ باستى ماقساتى – الەۋمەتتتىك سالاداعى ماڭىزدى ماسەلەلەردى قارجىلاندىرۋ، الداعى جىلدارى ەكونوميكانىڭ وسۋىنە ىقپال ەتەتىن مۇمكىندىكتەر تابۋ. ودان وزگە 2019 جىلدىڭ سوڭىنا دەيىن تۋىندايتىن ماسەلەلەردى شەۋگە ۇكىمەتتىڭ قاجەتتى قورىن قامتاماسىز ەتۋ.

ۇكىمەتتىڭ مالىمەتىنە سايكەس، بۇل مىندەتتەردى جۇزەگە اسىرۋ ءۇشىن شىعىندار قايتا قارالادى. ياعني اعىمداعى جىلدىڭ 9 ايىنداعى بيۋدجەت تۇسىمىنە تۇزەتۋلەر ەنگىزىلەدى. 2019 جىلى بيۋدجەت ءوسىمى 95 ميلليارد تەڭگە بولادى.

قازىرگى تاڭدا الەۋمەتتىك سالا شىعىنى 5،4 تريلليون تەڭگە نەمەسە شىعىننىڭ جالپى كولەمىنىڭ 44،9%ء-ى. ءوسىم - 6،7 ميلليارد تەڭگەنى قۇرايدى.