«سلاۆيان بازارى- 2015» حالىقارالىق ءان بايقاۋىنىڭ جەڭىمپازى ديماش قۇدايبەرگەندى بۇگىن اقتوبە وبلىسىنىڭ اكىمى ارحيمەد مۇحامبەتوۆ قابىلداپ، جەڭىسىمەن قۇتتىقتادى. جاس انشىگە سونداي-اق،  بەس ميلليون تەڭگە سىياقى تابىس ەتىلدى. بۇل تۋرالى «قامشى» پورتالى «31» ارناعا سىلتەمە جاساپ حابارلايدى.

ديماشتى ءقازىلار مەن كورەرمەن  اتاقتى  ورىس ءانشىسى ۆيتاسقا تەڭەگەن. ءانشى بايقاۋدىڭ تاريحىندا العاش رەت جەڭىسكە جەتكەن قازاق ونەرپازى بولىپ تابىلادى. كەڭ دياپازوندى داۋىس يەسى  ەكى  كۇننىڭ قورىتىڭدىسى بويىنشا،   175 ۇپاي جينادى. رەسەي، ۋكراينا،گرۋزيا،رۋمىنيا، بولگاريا، ارمەنيا  سىندى ەلدەردىڭ جيىرمادان استام ونەرپازدارىنىڭ   اراسىنان ەرەكشەلەنگەن ديماش  بايقاۋدىڭ شارتى بويىنشا العاشقى كۇنى سلاۆيان حيتىن، ەكىنشى كۇنى فرانسۋز تىلىندە الەمدىك دارەجەدەگى حيت ورىندادى. ۇلتتىق ناقىشتا ويۋلانىپ تىگىلگەن كونسەرتتىك كوستيۋمدەرىنەن قازاقتىڭ ءيىسى شىعىپ تۇردى. گران پري يەسى بايقاۋدىڭ سوڭعى كۇنى قازاقتىڭ دايديداۋ ءانىن ورىنداپ جۇرشىلىقتى كەرەمەت داۋىسىمەن ءتانتى ەتتى.  « سلاۆيان بازارى- 2015» بايقاۋىنىڭ  جەڭىمپازى رەتىڭدە  جيىرما مىڭ دوللار سىياقىعا يە بولدى. ايتا كەتەيىك، ديماشتىڭ بايقاۋداعى جەڭىسىنەن كەيىن تۋعان جەرىندە دۇنيەگە كەلگەن ەگىزدىڭ بىرىنە ءانشىنىڭ قۇرمەتىنە ديماش ەسىمى بەرىلىپتى.

ديماش قۇداربەرگەن، ءانشى:

- باستى ارمانىم رەسەيگە، وزگەدە ەلدەرگە قازاق اندەرىن ناسيحاتتاۋ ، انا تىلىمدە ءان ايتىپ ولاردى ساحناسىنا شىعارۋ. ولاردا كۋلتسوۆەت بار سوندا دا مەن ءوز تىلىمدە اندەر ايتقىم كەلەدى.