وڭىردەگى مەملەكەتتىك جاستار ساياساتى سالاسىنىڭ دامۋىنا ۇلەس قوسىپ، ءسانتۇرلى سالانىڭ تىزگىنىن ۇستاعان جاستاردى ىنتالاندىرۋ ماقساتىندا وتكەن سالتاناتتى جيىنعا قازاقستان رەسپۋبليكاسى پرەمەر-مينيسترىنىڭ ورىنباسارى بەردىبەك ماشبەك ۇلى ساپاربايەۆ قاتىستى. 
سالتاناتتى شارا بارىسىندا قازاقستان رەسپۋبليكاسى پرەمەر-مينيسترىنىڭ ورىنباسارى بەردىبەك ساپاربايەۆ جاستارعا ارنالعان مەملەكەتتىك باعدارلامالاردىڭ تيىمدىلىگىن ءسوز ەتە وتىرىپ، ماڭعىستاۋلىق جاستارعا ىستىق ىقىلاسىن جەتكىزدى. ۇزدىك جاستارعا ءداستۇرلى «جاس تۇلپار-2019» ماڭعىستاۋ وبلىستىق جاستار پرەمياسىن تابىس ەتتى.
«ماڭعىستاۋ ماقتانىشى» ارنايى نوميناسياسىمەن قازاق ەستراداسىنىڭ جاس ءانشىسى، «قازاقستان داۋىسى» جوباسىنىڭ جەڭىمپازى ب.رەتبايەۆ، كومپوزيتور ا.قۇرمانوۆ، ءداستۇرلى ءانشى ن.اسقانوۆ، اقىن ت.ءالي سونىمەن قاتار «بورانقۇل» جايدارمان توبى جانە «وزەنمۇنايگاز» قۇراماسى ماراپاتتالدى. 
«جومارت جۇرەك» نوميناسياسىناقاتەرلى ىسىك اۋرۋىنا شالدىققان بالالارعا ارنالعان قايىرىمدىلىق شارالارىن ۇيىمداستىرۋشى ەرلان ەرۋبايەۆ، «بەيبىت كەزەڭ باتىرى»نوميناسياسىنا اقتاۋ قالاسىندا 10 قاباتتان سەكىرمەكشى بولعان ايەل ادامدى، سونىمەن قوسا كاسپيي تەڭىزىنە باتىپ بارا جاتقان جاسقىزدى قۇتقارىپ، جاقىندارىمەن قايتا قاۋىشۋىنا ۇلەس قوسقانتيمۋر جۇمالييەۆ لايىق دەپ تانىلدى. 
«جاس تۇلپار-2019» ماڭعىستاۋ وبلىستىق جاستار پرەمياسىنىڭ كونكۋرستىق كوميسسياسىنىڭ شەشىمىمەن:
«ۇزدىك جاس سپورتشى» نوميناسياسى – جۇباتقان نۇرسۇلتان ماناربەك ۇلى؛
«مۇناي سالاسىنىڭ ۇزدىك جاس مامانى» نوميناسياسى -ەششانوۆ ەربولات مىرزاگەلدى ۇلى؛
«ۇزدىك جاس جۋرناليست» نوميناسياسى - مەرەكە ۇسەمباي ۇلى مۋسايەۆ؛
«ۇزدىك ۆولونتەر» نوميناسياسى -تايجانوۆ نۇرلىعاسىر جاناباي ۇلى؛
«جاس اقىن» نوميناسياسى – دۇيسەنوۆ ەدىلبەك مەدەت ۇلى؛
«جاس دارىن» نوميناسياسى – ماسجانوۆ سەرىجان سەرىك ۇلى؛
«جاس ونەرتاپقىش» نوميناسياسى - قۋانوۆا اينۇر ايسا قىزى؛
«جاس كوشباسشى» نوميناسياسى – قۇرمانعالييەۆ عاني داۋلەتكەرەي ۇلى
ەستەرىڭىزگە سالا كەتەيىك، وڭىردە «جاس تۇلپار» ماڭعىستاۋ وبلىستىق جاستار پرەمياسىن تابىستاۋ شاراسى 2010 جىلدان بەرى ءداستۇرلى تۇردە ۇيىمداستىرىلىپ كەلەدى. 
پىكىر قالدىرۋ