بۇگىن الماتىدان نۇر-سۇلتان قالاسىنا  № 2100 رەيسىمەن 07:05-تە ۇشىپ شىققان «بەك ەير» اۋە كومپانياسىنىڭ ۇشاعى الماتى وبلىسىنىڭ گۇلدالا جانە المەرەك اۋىلىنىڭ اراسىندا ءۇيدىڭ ۇستىنە قۇلاعان.

قازا تاپقاندار مەن جارالانعاندار بار. الدىن الا جەتكەن مالىمەت بويىنشا ۇشاق اپاتىنان 12 ادام قازا تاپقان. 12 ادام جارالانعان. زارداپ شەككەن 8 ادام №4 قالالىق اۋرۋحاناعا، ال 4 بالا №1 قالالىق اۋرۋحاناعا جاتقىزىلعان. ۇشاق قۇلاعان اۋماقتا قازىرگى تاڭدا 40-قا جۋىق جەدەل جاردەم بريگاداسى قىزمەت كورسەتۋدە.

الدىن الا جەتكەن مالىمەتتەر بويىنشا قازا تاپقانداردىڭ اراسىندا قازاقستان گەنەرالدار كەڭەسىنىڭ ءتوراعاسى رۇستەم قايداروۆ بار.

ءومىربايانى:
رۇستەم ەسىمحان ۇلى قايداروۆ (1940 ج. 18-مامىرد سەمەي وبلىسى بەسقاراعاي اۋدانى سوسنوۆكا اۋىلىندا تۋعان) - «قورعاۋ» جيناقتاۋشى زەينەتاقى قورى» اق پرەزيدەنتى، پروفەسسور (1998). رجعا كوررەسپوندەنت مۇشەسى (2001)، حاا اكادەميگى (2002). ميليسيا گەنەرال-مايورى (1990)، ادىلەت گەنەرال-مايورى (1995).

1970 ج. س.م. كيروۆ اتىنداعى ءقازمۋ-دى بىتىرگەن، زاڭگەر.

1956-61 جج. - سەمەي اۋىل شارۋاشىلىعىن مەحانيزاسيالاۋ ۋچيليششەسىندە جۇكشى، ەلەكتركەسۋشى، تراكتورشى، ماستەر.

1961-64جج. -  كەڭەس ارمياسىنىڭ قاتارىندا ازاماتتىق بورىشىن وتەگەن.

1964-66 جج. - اۋىلدىق پتۋ ماستەرى، ديرەكتورىنىڭ كومەكشىسى.

1966-76 جج. -  سەمەي وبلىسى اتقارۋ كوميتەتى ءىىب وپەراتيۆتىك ۋاكىلى، تەرگەۋشىسى، اعا تەرگەۋشىسى، سەمەي قالاسى ميليسيا باستىعىنىڭ ورىنباسارى، كيروۆ ءاىىب باستىعى، وبلىسى اتقارۋ كوميتەتىنىڭ ءىىب تەرگەۋ ءبولىمى باستىعىنىڭ ورىنباسارى.

1976-80 جج. - وبلىستىق پارتيا كوميتەتىنىڭ نۇسقاۋشىسى.

1980-82 جج. -  قازاقستان كومپارتياسى وك نۇسقاۋشىسى.

1982-85 جج. - سەمەي وبلىسى اتقارۋ كوميتەتى ءىىب باستىعىنىڭ ورىنباسارى.

1985-90 جج. -  جەزقازعان وبلىسى اتقارۋ كوميتەتى ءىىب باستىعى.

1990-92 جج. - كسرو ءىىم-نىڭ قازاقستان جانە قىرزىزستان بويىنشا ۇيىمداسقان قىلمىسقا جانە جەمقورلىققا قارسى كۇرەس جونىندەگى ايماقارالىق باسقارماسىنىڭ باستىعى.

1992-95 جج. - ق ر ىشكى ىستەر ءمينيسترىنىڭ ورىنباسارى - باس تەرگەۋ باسقارماسىنىڭ باستىعى.

1995-96 جج. - ق ر متك ءتوراعاسىنىڭ 1ء-شى ورىنباسارى.

1996-97 جج. - ق ر متك جوعارى تەرگەۋ مەكتەبىنىڭ كافەدرا باستىعى.

1997-99 جج. - قازمزۋ كافەدرا مەڭگەرۋشىسى.

1999 جىلدان - «قورعاۋ» جيناقتاۋشى زەينەتاقى قورى» اق پرەزيدەنتى.

قوعامدىق قىزمەتى:

رەسپۋبليكالىق قىلمىسقا قارسى جانە جەمقورلىققا قارسى كۇرەستى قولداۋ قورىنىڭ پرەزيدەنتى (1995)

 «گەنەرالدار كەڭەسى» قب ءتورالقاسىنىڭ ءتوراعاسى (2000).