قازاقستاندىق تانىمال اكتەر سانجار مادييەۆ Tengrinews.kz تىلشىسىنە رەسەيلىك "قورعاۋشىلار" ءفيلمىنىڭ ءتۇسىرىلىم جۇمىستارى تۋرالى ايتىپ بەردى.
رەجيسسەر ساريك اندرەاسياننىڭ كارتيناسىنىڭ ءتۇسىرىلىمى 27 ساۋىردە ماسكەۋدە باستالىپ، ماۋسىم ايىنا دەيىن جالعاستى. "قورعاۋشىلار" كينوميكسى كەڭەس رەسپۋبليكالارى باتىرلارىنىڭ ءومىرى تۋرالى. ولار عالىم اۆگۋست كۋراتوۆقا (ستانيسلاۆ شيرين) قارسى شىعادى. ايۋعا اينالا الاتىن ورىس باتىرىنىڭ ءرولىن انتون پامپۋشنىي وينايدى. تاستاردى باسقارا الاتىن ارميان باتىرىن سەباستيان سيساك گريگوريان سومدايدى. ال الينا لانينا سۋدا جوق بولىپ كەتتىن قىز بولادى.
سانجار مادييەۆ فيلمدە جەلدەن دە جىلدام قازاقتىڭ حان باتىرىنىڭ ءرولىن سومدادى. "كاستينگ تۋرالى مەن كەزدەيسوق ءبىلدىم، دوسىم حابارلاسىپ، كاستينگ بولىپ جاتقانىن، ءوزىم تۋرالى مالىمەتتەردى تەزىرەك جىبەرۋىم كەرەك ەكەندىگىن ايتتى. مەن مالىمدەمەنى سوڭعى كۇنى جىبەردىم. كاستينگ ءۇش ەتاپتان تۇردى، ءتورتىنشى كۇنى مەن كەلىسىمشارتقا وتىرۋ ءۇشىن ماسكەۋدە بولدىم"، - دەدى مادييەۆ.
دايىندىق ءبىر جارىم ايعا سوزىلدى، سودان كەيىن ءتۇسىرىلىم جۇمىستارى باستالدى. ءتۇسىرىلىم بارىسى تۋرالى ايتا وتىرىپ مادييەۆ ءوز ءرولىن الىپ شىعۋ ءۇشىن وتە قيىن قيمىلدار ورىنداعانىن، ال قاتتى قيىندارىنا كاسكادەرلەر تۇسكەنىن ايتتى. ايتا كەتەيىك، سانجار مادييەۆ "ەلەستى اۋلاۋ" فيلمىندە دە نيكيتا پرەسنياكوۆ ەكەۋى وسىنداي قيىن ءرولدى ويناعان بولاتىن.
"قورعاۋشىلار" فيلمىندە شىعىستىق ۋشۋ جانە كۋنگفۋىنا ۇقساس ەلەمەنتتەر بولدى. باتىردىڭ كيىمىمەن مەن جۇگىرىپ، سەكىرە المادىم. (...) مەن ويناعان باتىر - بۇرىنعى كيللەر، ول ءوز قىلىشى ارقىلىوتە شاپشاڭ توبەلەسەدى"، - دەدى اكتەر.
"ءتۇسىرىلىم وتە قىزىقتى ءوتتى. ءبىز امەريكالىق فيلمدەردەگى بەكستەيدجدەردى بەكستەيدجدەردى كوردىك، سۇندا دا تۋرا سونداي بولدى. پامپۋشنىي ايۋدىڭ كيىمىن كيگەن كەزدە ءبىز ونىڭ باسىنا جوعارى قارادىق، كەيىن ناعىز ايۋدى بەينەلەگەن كەزدە ءبىز ونىڭ موينىنا ەمەس، كوزىنە قارادىق. قالانىڭ قيراتىلعانىن ۇنەمى ەلەستەتىپ وتىرۋعا تۋرا كەلدى. مۇنداي تۇسىرىلىمدەردە قيالداۋ كەرەك"، - دەدى مادييەۆ.
