تمد - دا العاشقى رەپ-ميۋزيكل رەجيسسەرى ميراس تولەۋحانوۆ  «دەتەكتيۆ دجوني» كارتيناسىن 2016 جىلدىڭ باسىندا تولىقمەتراجدى فيلم ەتىپ ءتۇسىرۋدى جوسپارلاپ وتىر.

31 شىلدە كۇنى الماتىنىڭ «EVENT CITY HALL» كونسەرت حولىندا كينوكارتينانىڭ تۇساۋى كەسىلگەن بۇل اتالعان فيلم 2014 جىلى تۇسىرىلگەن بولاتىن. و باستا بۇل تۋىندى 2015 جىلدىڭ ناۋرىزىندا كورەرمەنگە جول تارپاق بولعان، الايدا بەلگىلى ءبىر سەبەپتەرمەن كەيىنگە شەگەرىلدى. بۇل تۋرالى "قامشى" اقپاراتتىق پورتالى Bnews.kz سايىتىنا سىلتەمە جاساي وتىرىپ حابارلايدى. 

ءفيلمدى قايتا قولىنا العان رەپ-ميۋزيكل رەجيسسەرى ميراس تولەۋحانوۆ: «فيلم كورەرمەندەر  كوڭىلىنەن شىققانىنا قۋانىشتىمىن. ولار مۇنىڭ جاڭا باعىت ەكەنىن ءوز كوزدەرىمەن كورىپ، ۇعىندى. مەنىڭ ويىمشا، رەپ-ميۋزيكل جاڭا ءۇردىس رەتىندە قازاقستاندىق كينو جانرىندا فۋرور تۋعىزادى. كەلەسى جىلى «دەتەكتيۆ ءدجونيدى» تولىقمەتراجدى ەتىپ تۇسىرگىم كەلەدى، وعان پوپ-جۇلدىزداردى شاقىرىپ، كەرەمەت ميۋزيكل جاساۋ ويىمدا بار»،-دەيدى.

«دەتەكتيۆ دجونني» فيلمىندە BIG SOM، Sedrik Nemacho، Tanir (Da Gudda Jazz)، Kicha، Timon، Piro، Al'Nasr (G-HAD OTBASY)، كاي پيكي سەكىلدى رەپ-ارتىستەر تۇسكەن. جاڭا باعىتتا تۇسىرىلگەن بۇل فيلم الداعى ۋاقىتتا كورەرمەندەرگە جول تارتپاق.

گۇلدەن ءابدىباقىت