قىتايدىڭ  «CCTV 13»  تەلەارناسىندا  تەلەجۇرگىزۋشى اۋعاندىقتاردىڭ ۇلتتىق اسپابىن "دومبىرا" دەپ اتادى. ەجەلدەن قازاقتىڭ ءتول مەنشىگىنە اينالعان نەگىزگى اساپابىن قىتايلار اۋعاندىقتاردىڭ ۇلتتىق اسپابىمەن شاتاستىرسا كەرەك.

قىتايدىڭ از ۇلتتار ىشىندەگى اۋعان(حاجالا) حالقى ءتۇر - سيپاتى قازاق حالقىمىزدىڭ دومبىراسىنا ۇقساپ قالاتىن بۇل اسپاپتى جۇرت الدىنا الىپ شىعىپ كورسەتۋگە كەزىندە تيىم سالعان ەكەن. اۋعان جىگىت تەلە ارناعا بەرگەن سۇحباتىندا ەندىگى جەردە وزدەرىنىڭ اسپاپتارىمەن ساحنادا ونەر كورسەتۋگە ەشقانداي تيىمنىڭ بولمايتىنىن ايتتى. كەرىسىنشە وزدەرىنىڭ ۇلتتىق اسپابىن قايتا جاڭعىرتۋ نيەتىندە ەكەن.

گيننەستىڭ رەكوردتار كىتابىنا ەنگەن قازاقتىڭ مەنشىكتى دومبىراسىن تالقىشىلدار سان - ساققا سابىلتسا دا، ءوزىنىڭ  قۇندىلىعىن جويماعان   دومبىرانىڭ قازاقتىكى ەكەنىنە سان دالەل كەلتىرىلگەن. دەگەنمەن دە، قازاقتىڭ قارا دومبىراسىن ۇيعىردىڭ «دۋتارى» مەن اۋعانداردىڭ ۇلتتىق اسپابىمەن شاتاستىرۋ ءوزىمىزدىڭ ۇلتتىق قۇندىلىقتارىمىزدىڭ ناسيحاتىنىڭ از ەكەنىنىڭ ءبىر دالەلى رەتىندە كورىنىس بەرەدى. «ناعىز قازاق- قازاق ەمەس، ناعىز قازاق - دومبىرا» دەپ ۇرانداپ، ۇلاعاتتاعانىمىزبەن ناسيحاتتىڭ ءالى دە تاپشى، تۋراسىن ايتقاندا،  قازاقتى الەم تاني قويماعاندىعى قىنجىلتادى.

گۇلدەن ءابدىباقىت