بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە ءمالىم بولدى. توتەنشە جاعداي رەجيمى كەزەڭىندە مەملەكەت باسشىسىنىڭ تاپسىرماسى بويىنشا وبلىس تۇرعىندارىن جۇمىسپەن قامتۋ ماقساتىندا جۇمىسپەن قامتۋدىڭ جول كارتاسى جاساقتالىپ، بەكىتىلدى.

قابىلدانعان جول كارتاسىنىڭ نەگىزگى ماقساتى:

- جۇمىسپەن قامتۋدى قامتاماسىز ەتۋ جانە جۇمىسسىزدىق دەڭگەيىنىڭ وسۋىنە جول بەرمەۋ؛

- قوسىمشا جۇمىس ورىندارىن قۇرۋ جانە تابىستىڭ بولۋىن قامتاماسىز ەتۋ؛

- ەلدى مەكەندەردىڭ ينفراقۇرىلىمىن دامىتۋ ءۇشىن جاعدايلار جاساۋ.

ماڭعىستاۋ وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ  باسشىسى شىڭعىس دۇيسەنوۆتىڭ ايتۋىنشا،  وبلىستا جوسپاردى  ىسكە اسىرۋعا 34 ملرد. تەڭگە قاراستىرىلىپ وتىر. جالپى العاندا 144 جوبا قامتىلىپ جانە 8 911 جاڭا جۇمىس ورنىن قۇرۋعا مۇمكىندىك بەرمەك. جوبالاردى جۇزەگە اسىرۋ اياسىندا ۋاقىتشا جۇمىسپەن قامتۋدى عانا ەمەس، تۇراقتى جۇمىس ورىندارىن قۇرۋعا دا مۇمكىندىك تۋىپ وتىر.

          جول كارتاسى كەلەسى جۇمىستار مەن نىساندار تۇرلەرى بويىنشا ينفراقۇرىلىمدىق جوبالاردى ىسكە اسىرۋدى قاراستىرادى:

1. الەۋمەتتىك–مادەني نىساندارى – 8،6 ملرد. تەڭگەگە (8 606،0 ملن. تەڭگە) 63 جوبا. بۇل جوبالاردا 2 829 جۇمىس ورنى قۇرىلادى جانە 1 387 ادامدى حالىقتى جۇمىسپەن قامتۋ ورتالىقتارى ارقىلى جۇمىسقا ورنالاستىرىلادى؛
2. تۇرعىن ۇي-كوممۋنالدىق شارۋاشىلىق نىساندارى – 13،2 ملرد. تەڭگەگە (13 242،0 ملن. تەڭگە) 37 جوبا. بۇل جوبالاردا 2 829 جۇمىس ورنى قۇرىلادى جانە 1 414 ادامدى حالىقتى جۇمىسپەن قامتۋ ورتالىقتارى ارقىلى جۇمىسقا ورنالاستىرىلادى؛
3. ينجەنەرلىك-كولىك ينفراقۇرىلىمى نىساندارى – 7،5 ملرد. تەڭگەگە (7 464،1 ملن. تەڭگە) 30 جوبا. بۇل جوبالاردا 1 382 جۇمىس ورنى قۇرىلادى جانە 792 ادامدى حالىقتى جۇمىسپەن قامتۋ ورتالىقتارى ارقىلى جۇمىسقا ورنالاستىرىلادى؛
4. ەلدى مەكەندەردى اباتتاندىرۋ بويىنشا – 4،6 ملرد.تەڭگەگە (4 638،1 ملن. تەڭگە) 13 جوبا. بۇل جوبالاردا 1 455 جۇمىس ورنى قۇرىلادى جانە 753 ادامدى حالىقتى جۇمىسپەن قامتۋ ورتالىقتارى ارقىلى جۇمىسقا ورنالاستىرىلادى.

جول كارتاسى  شەڭبەرىندەگى جوبالارعا قاتىسۋ ءۇشىن ازاماتتار تۇرعىلىقتى جەرى بويىنشا حالىقتى جۇمىسپەن قامتۋ ورتالىقتارىنا جۇگىنۋلەرى قاجەت.

وسى ورايدا، اقتاۋ قالاسىندا 49 جوبا، جاڭاوزەن قالاسىندا 19 جوبا، بەينەۋ اۋدانىندا 12 جوبا، قاراقيا اۋدانىندا 18 جوبا، ماڭعىستاۋ اۋدانىندا 17 جوبا، مۇنايلى اۋدانىندا 9 جوبا جانە ءتۇپقاراعان اۋدانىندا 20 جوبا ىسكە اسىرىلادى دەپ جوسپارلانۋدا. قازىرگى تاڭدا 144 جوبانىڭ 94 جوباسىنا مەملەكەتتىك ساتىپ الۋ كونكۋرسى جاريالانعان.