ماڭعىستاۋ وبلىسىنىڭ اكىمى سەرىكباي ترۇموۆ باستاعان جۇمىس توبى اقتاۋ قالاسىنداعى ءبىرقاتار قۇرىلىس الاڭدارىن ارالادى. ايماق باسشىسى الدىمەن 33 شاعىن اۋداندا «نۇرلى جەر» مەملەكەتتىك باعدارلاماسى اياسىندا «قولجەتىمدى باسپانا» باعىتى بويىنشا سالىنىپ جاتقان «اققۋ-3» تۇرعىن ءۇي كەشەنىنىڭ قۇرىلىسىمەن تانىستى. قۇرىلىس جۇرگىزۋشى مەردىگەر مەكەمەلەر "ەۆروستروي" ج ش س، "اليانس ستروي لتد+R" ج ش س، "كاسكور سمۋ" ج ش س. ءوڭىر باسشىسى كەشەننىڭ قۇرىلىسىن اعىمداعى جىلدىڭ قىركۇيەك ايىندا اياقتاۋدى تاپسىردى.
بۇدان كەيىن وبلىس اكىمى 29 ش/ا، 24 مەكەن-جايىندا ورنالاسقان "زاۆەتنايا مەچتا" وبەكتىسىندە بولدى. اتالعان عيماراتتا 2 مەملەكەتتىك مەكەمە، ءبىرى اقتاۋ قالالىق جۇمىسپەن قامتۋ جانە الەۋمەتتىك باعدارلامالار ءبولىمى، ەكىنشىسى اقتاۋ قالاسى اكىمدىگىنىڭ حالىقتى جۇمىسپەن قامتۋ ورتالىعى ورنالاساتىن بولادى. مۇمكىنشىلىگى شەكتەۋلى جانداردىڭ جانە جۇمىسسىزداردىڭ "الەۋمەتتىك پورتال " جانە "Enbek.kz" پورتالىمەن جۇمىس جاساۋلارى ءۇشىن وزىنە-وزى قىزمەت كورسەتۋ الاڭى، كۇتۋ زالى، جۇمىس بەرۋشىلەرمەن جۇمىس جاساۋ الاڭى، جۇمىس ىزدەۋشىلەرمەن جۇمىس جاساۋ الاڭى جانە مۇمكىنشىلىگى شەكتەۋلى ازاماتتارمەن جۇمىس جاساۋ الاڭدارىنىڭ بولۋى ەسكەرىلە وتىرىپ ىسكە اسىرىلۋدا. جوعارىدا اتالعان 2 مەملەكەتتىك مەكەمە جىلىنا 33 مىڭنان اسا حالىقتى قامتيتىن 18 ءتۇرلى مەملەكەتتىك قىزمەت كورسەتەدى.
سونداي-اق، قالانىڭ 3 شاعىن اۋدانىندا توزىعى جەتكەن 670 كۆ تۇرعىن ۇيلەردى جاڭارتۋ بويىنشا ينجەنەرلىك جەلىلەر قۇرىلىسى جۇرگىزىلۋدە. وندا اۋىز سۋ، كارىز قۇدىعى، جىلۋ، توق، گاز، تەلەفون جەلىسى، جولداردى اباتتاندىرۋ جوسپارلانعان. 2019 جىلى "اس-قۇرىلىس" ج ش س كونكۋرستى جەڭىپ الىپ، قۇرىلىس جۇمىستارىن 2020 جىلدىڭ اقپان ايىندا باستادى. جوبادا شاتىر (كروۆليا) جانە اۋماقتى اباتتاندىرۋ جۇمىستارى قاراستىرىلماعان. جوبا "جۇمىسپەن قامتۋدىڭ جول كارتاسىنا" قوسىلعان، قازىرگى تاڭدا قۇرىلىس جۇمىسىنىڭ 70 %-ى جاسالدى. ايماق باسشىسى اتقارۋشى مەكەمەلەرگە جۇمىستىڭ ساپالى جانە ۋاقىتىندا ورىنداۋدى تاپسىردى.
بۇدان كەيىن جۇمىس توبى، قالانىڭ ىرگەسىدە سالىنىپ جاتقان اۆتوجولدىڭ قۇرىلىسىمەن تانىستى. جوبانىڭ العاشقى كەزەڭىندە جولدىڭ 15،6 شاقىرىمىندا اسفالت توسەمىنىڭ نەگىزگى جانە تومەنگى قاباتتارى توسەلدى. جالپى ۇزىندىعى 27 شاقىرىمدى قۇرايتىن جول ۋچاسكەسى 4 جولاقتى بولماق. سونداي-اق، اتالمىش نىساندا جاياۋ جۇرگىنشىلەر وتپەلى مەن ۆەلوجولدار سالىنىپ، جارىقتاندىرۋ باعاندارى ورناتىلۋدا. ۋچاسكەدەگى جۇمىستارعا تەحنيكانىڭ 80 بىرلىگى مەن 200-گە تارتا جۇمىسشى جۇمىلدىرىلعان. قايتا جاڭارتۋ جۇمىستارى مەن قۇرىلىس ماتەريالدارىنىڭ ساپاسىن «جول اكتيۆتەرى ساپاسىنىڭ ۇلتتىق ورتالىعى» ساراپتامادان وتكىزۋدە. مەردىگەر – «اقجول قۇرىلىس». بۇدان بولەك، كومپانيا سۋ توگەتىن «شورا» ارناسى ارقىلى وتەتىن ۇزىندىعى 70 مەتردەن اساتىن كوپىردى سالىپ جاتىر.
سونىمەن قاتار، جولشىلار جوبانىڭ 4ء-شى كەزەڭى اياسىنداعى جۇمىستاردى بەلسەندى تۇردە جۇرگىزۋدە. ۇزىندىعى 4،6 شاقىرىمدى قۇرايتىن ءومىرزاق ەلدى مەكەنىنەن اقتاۋ قالاسىنداعى جاعاجايعا دەيىنگى 4 جولاقتى اۆتوموبيل جولىن «التىنقۇرىق» ج ش س سالۋدا. بۇگىنگى تاڭدا نىساننىڭ 4،2 شاقىرىمىندا جولدىڭ نەگىزگى تومەنگى قاباتتارىن توسەۋ جۇمىستارى جالعاسۋدا. جول ۋچاسكەسىندە تەحنيكانىڭ 50 بىرلىگى مەن 100-گە جۋىق ادام جۇمىس ىستەۋدە.
بۇدان كەيىن جۇمىس توبى ماڭعىستاۋداعى ەڭ ءىرى ازىق-تۇلىك ساقتايتىن قويما «ازەرسۋن» لوگيستيكا جانە ءوندىرىس ورتالىعىنا باردى. عيمارات ارنايى ەكونوميكالىق ايماعىندا ورنالاسقان. اۋماعى 10 مىڭ شارشى مەتر مۇندا جۇك كولىكتەرى جانە تەمىر جول ارقىلى تاسىمال جۇرگىزۋگە تولىق مۇمكىندىك بار. ال، قويمانىڭ ءوزى گوللاندتىق تەحنولوگيامەن جابدىقتالعان. نىسان ەكى بولىكتەن تۇرادى. ءبىر جاعىندا قۇرعاق ءونىم ساقتالسا، سالقىنداتۋ جانە مۇزداتۋ ارقىلى دا ساقتاۋ قاراستىرىلعان. بۇگىندە قويمادا 1108 تن ۇن، 412 تن قانت،277 تن كۇرىش، 94 تن ماكارون، 362 تن سۇيىق ماي، 266 تن قۇس ەتى، 25 تن ءسۇت،400 000 دانا جۇمىرتقا بار. بۇدان بولەك جالپى تۇراقتاندىرۋ قورىنا 2700 تن-دان اسا ازىق-تۇلىك جيناقتاۋ جوسپارلانعان. قازىرگى كەزدە 1068 تن ازىق-تۇلىك قويمادا جيناقتاۋلى تۇر (زايم بويىنشا 380 ملن تەڭگەنىڭ اينالىمداعى ازىق-تۇلىكتى ەسەپتەمەگەندە).
پىكىر قالدىرۋ