ق ر پرەزيدەنتى نۇرسۇلتان ءابىش ۇلى نازارابيەۆ «نۇر وتان» پارتياسىنىڭ ءبىرىنشى ورىنباسارى ەتىپ  اسقار مىرزاحمەتوۆتى تاعايىندادى. بۇل تۋرالى «قامشى» پورتالى  حابارلايدى.

ال اقوردانىڭ رەسمي سايتىندا اسقار يسابەك ۇلىنىڭ پرەزيدەن جارلىعىمەن وقو اكىمى قىزمەتىنەن بوساتىلعانى تۋرالى جازىلعان.

اسقار مىرزاحمەتوۆ 1962 جىلى تۋعان. اۋىلشارۋاشىلىق جانە ەكونوميكالىق جوعارعى ءبىلىمدى ساياساتكەر. اۋىلشارۋاشىلىق عىلىمدارىنىڭ كانديداتى.

1991 جىلى اسپيرانتۋرا ءتامامداعان اسقار مىرزاحمەتوۆ ەڭبەك جولىن بۇكىلكەڭەستىك اۋىلشارۋاشىلىق اكادەمياسىنىڭ كىشى عىلىمي قىزمەتكەرىنەن باستاعان.

1997-2006 جج. ق ر پرەمەر-مينيسترىنىڭ كەڭەسشىسى بولىپ قىزمەت ەتكەن. ۆيسە-پرەمەر-مينيستر، اۋىلشارۋاشىلىق ءمينيسترى ت.ب. لاۋازىمدى قىزمەتتەردى اتقارعان.

2006 جىلدان باستاپ قازاقستاننىڭ وزبەكستانداعى وكىلەتتى جانە توتەنشە ەلشىسى قىزمەتىنە تاعايىندالعان.

2009 جىلدان بەرى قاراي وڭتۇستىك قازاقستان وبلىسىنىڭ اكىمى بولىپ كەلگەن.

ال  وسى ۋاقىتقا دەيىن «نۇر وتان» پارتياسىنىڭ ءبىرىنشى ورىنباسارى قىزمەتىن باۋىرجان قىدىرعالي ۇلى بايبەك مىرزا اتقارىپ كەلگەن.

 نۇرزات توعجان