2013 جىلى “قازاقستان ارۋى” اتانعان ايداي يسايەۆا جاقىندا انا اتانباق. بۇل تۋرالى "قامشى" اقپاراتتىق پورتالى نۇر.كز-كە سىلتەمە جاساي وتىرىپ حابارلايى.

2013 جىلى قازاقستاننىڭ ەڭ سۇلۋى اتانعان  ايداي يسايەۆا مەن ونىڭ جولداسى ماقسات 2014 جىل ءساۋىر ايىندا شاڭىراق كوتەرگەن ەدى.  ايداي يسايەۆا comode.kz-كە بەرگەن  سۇحباتىندا تويدى ءوزىنىڭ ەكى قاباتتىعىنا بايلانىستى بولا ەرتەرەك وتكزىگەندەرىن جاسىرمادى:

“ماقسات ەكەۋىمىز 4 جىل بويى بىرگەمىز. ءبىزدىڭ سەزىمىمىز ۋاقىت سىناعىنان وتكەن. ءبىز نەكەمىزدى بۇرىننان قيعىمىز كەلدى. الايدا ماعان كەلىسىمشارت بويىنشا سۇلۋلىق بايقاۋىنان كەيىن كۇيەۋگە شىعۋعا رۇقسات بولمادى. سول سەبەپتى ءبىز تويدى تەك تامىزدا وتكىزۋدى جوسپارلاعان ەدىك. الايدا دارىگەردەن تۇڭعىشىمىز بولاتىنىن ەستي سالىسىمەن، تويدى ساۋىرگە جىلجىتتىق”، – دەيدى يسايەۆا.

ءتىپتى، ايداي ءوزىنىڭ اياعى اۋىر ەكەنىن ۇزاق بىلمەي كەلگەن ەكەن. ول “الەم ارۋى” بايقاۋىندا جۇكتىلىك كەزەڭى باستالعانىن ايتتى.

“مەن جۇكتى ەكەنىمدى ۇزاق ۋاقىت بىلمەي كەلدىم. “الەم ارۋى” بايقاۋىنا قاتىسىپ جۇرگەن كەزدەن باستاپ اياعىم اۋىر بولىپ شىقتى. بۇل جاڭالىقتان ەسەڭگىرەپ قالعانىممەن، قاتتى قۋاندىم. جۇكتى ەكەنىمدى ەستىگەندە، قۋانىشتان سول جەردە جىلاپ جىبەردىم”، – دەپ اعىنان جارىلدى ارۋ.

ماقسات پەن ايداي تۇڭعىشىنىڭ ۇل-قىز بولۋىن بىلمەۋگە بەل بۋدى. كىم دۇنيەگە كەلسە دە، امان-ەسەن بولعانىن قالايتىن جاس جۇبايلاردىڭ بۇگىندە قۋانىشىندا شەك جوق.