بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىسىنىڭ ءبىلىم باسقارماسى «دارىن» قوسىمشا ءبىلىم ورتالىعىنىڭ ديرەكتورى  نەسىبەلى  قۋاتوۆا ايتىپ بەردى.

ق ر تۇڭعىش پرەزيدەنتى- ەلباسى ن.نازاربايەۆتىڭ تاپسىرماسىنا سايكەس جاس تالانتتار مەن كوشباسشىلاردى قولداۋ ماقساتىنداعى «ەل ءۇمىتى» اتتى جاڭا باستاماسىن باستادى. باستى ماقسات - تالانتتى جاس قازاقستاندىقتاردى، ەڭ الدىمەن، جارقىن بولاشاقتا ەلىمىزدەگى تىرشىلىك ورتاسىنىڭ ءتۇرلى سالاسى -   جاڭا يندۋستريا، بيزنەس، عىلىم، مەديسينا، ءبىلىم بەرۋ جانە مەملەكەتتىك باسقارۋدىڭ كاسىپقوي ەليتاسىنا كىرۋگە ءتيىس وقۋشىلار مەن جاستاردى تابۋ جانە ولارعا قولداۋ كورسەتۋ. وسى ورايدا، الەمنىڭ باسەكەگە قابىلەتتى ەڭ ۇزدىك 30 ەلىنىڭ قاتارىنا كىرۋ ءۇمىتى جاستارمەن بايلانىستى. وسىلايشا، ولاردىڭ ەل ىشىندە جانە شەتەلدە ءبىلىم الۋىنا جاعداي جاسالۋدا.

 «ەل ءۇمىتى» باستاماسى اياسىندا تۇڭعىش پرەزيدەنت قورى ۇكىمەتپەن، وبلىس اكىمدىكتەرىمەن، قوعامدىق بىرلەستىكتەرىمەن، ءبىلىم بەرۋ جەكە ۇيىمدارىمەن، بيزنەس-قاۋىمداستىعىمەن جانە قىزىعۋشىلىق بىلدىرگەن تاراپتارمەن بىرلەسىپ جۇمىس ىستەۋدە. وسى مىندەتتەردىڭ ىسكە اسىرىلۋىن ۇيلەستىرۋ ءۇشىن قوردىڭ جانىندا «ەلباسى اكادەمياسى» قۇرىلدى. ول «ەل ءۇمىتى» باستاماسىن ىسكە اسىرۋدى باسقارۋ جونىندەگى وپەراتور رەتىندە ارەكەت ەتەدى جانە ادىستەمەلەر، تاعىلىمدامالار باعدارلامالارى مەن گرانتتار ازىرلەنەدى. وسىلايشا،  ءار وڭىردە جىل سايىن اۋىلدار مەن شاعىن قالالاردان كەمىندە 3 مىڭ دارىندى بالانى انىقتاپ، كەيىنگى ءبىلىم بەرۋدە قولداۋ كورسەتەتىن تالانتتاردى انىقتاۋ جانە قولداۋ ورتالىقتارىن (17 ورتالىق) قۇرۋعا مۇمكىندىك بەرەدى.

«وسى باعىتتى بارلىق وبلىستان دارىندى بالالاردى انىقتاۋ، قولداۋ ءۇشىن ورتالىقتار اشىلدى. ءبىزدىڭ ورتالىق 2007 جىلدان جۇمىس جاساپ كەلەدى. ورتالىقتا ەل ءۇمىتى جۇمىستارى بويىنشا ارنايى شتاتتىق بىرلىكتەر قوسىلىپ، وسى باعىتتا ءوز جۇمىستارىن باستاپ كەتتى. «ەل ءۇمىتى» باستاماسىن ىسكە اسىرۋ ءۇشىن جەرگىلىكتى بيۋدجەت ەسەبىنەن ارنايى قاراجات قاراستىرىلعان»،  – دەيدى ماڭعىستاۋ وبلىسىنىڭ ءبىلىم باسقارماسى «دارىن» قوسىمشا ءبىلىم ورتالىعى ديرەكتورى  نەسىبەلى  قۋاتوۆا.

«ەل ءۇمىتى» باستاماسىنىڭ ماقساتى اتاپ وتكەندەي جاس دارىندىلاردى قولداۋ بولىپ تابىلادى. وسى ماقساتتا «مىڭ بالا» ۇلتتىق زياتكەرلىك وليمپياداسى ۇيىمداستىرىلدى.  وليمپيادانىڭ ءبىرىنشى كەزەڭىنە 5-6 سىنىپ وقيتىن اۋىل مەكتەپتەرىنىڭ 14 مىڭعا جۋىق وقۋشىلارى قاتىستى. ولار بارلىق ءپان بويىنشا توقساندىق جيىنتىق باعالاۋ قورىتىندىسى نەگىزىندە ىرىكتەلدى. ءبىرىنشى كەزەڭ بويىنشا    300 وقۋشى جەڭىمپاز اتانعان. ولار وليمپيادانىڭ ەكىنشى كەزەڭىنە جولداما الدى. ەكىنشى كەزەڭ ماۋسىم ايىنىڭ 25-26 كۇندەرى وتەدى دەپ جوسپارلانۋدا. وليمپيادا 25  ماۋسىم كۇنى 5 سىنىپ وقۋشىلارىنا،                  26 ماۋسىم كۇنى 6 سىنىپ وقۋشىلارىنا وتەدى.

ەكىنشى كەزەڭگە قاتىساتىن وقۋشىلاردىڭ اتا انالارىمەن بايلانىس ورناتىلعان. وليمپيادانىڭ ءوتۋ ءتارتىبى ارنايى حابارلامالار اركىلى جەتكىزىلەدى.