قازاقستاننىڭ مەملەكەتتىك باس سانيتار دارىگەرى ايجان ەسماعامبەتوۆا 2020 جىلدىڭ 27 شىلدەسىندە «قازاقستان رەسپۋبليكاسىنىڭ مەملەكەتتىك باس سانيتار دارىگەرىنىڭ 2020 جىلدىڭ 26 ماۋسىمىنداعى №43 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» جاڭا قاۋلىعا قول قويدى، دەپ حابارلادى قازاقپارات.
جاڭا ەرەجەگە سايكەس، قازاقستاندىقتار جابىق نىساندارمەن بىرگە كوشەدە جانە كولىكتە ماسكا تاعىپ جۇرۋگە مىندەتتەلدى.
قاۋلىدا كورسەتىلگەنداي، ازاماتتار مىنا جاعدايلاردا ماسكا تاعۋعا مىندەتتەلەدى:
- جابىق نىسانداردا (ءدارىحانا، دۇكەن، كەڭسە، مەديسينالىق ۇيىم، حالىققا قىزمەت كورسەتۋ سالاسىنداعى ۇيىمدار مەن باسقا جەرلەردە)، سونىمەن بىرگە كولىكتە جانە كوشەدە جۇرگەندە؛
- COVID-19 اۋرۋى بويىنشا كۇدىكتى ادامعا كومەكتەسكەندە؛
- كوروناۆيرۋس ينفەكسياسىنا ۇقساس اۋرۋ بەلگىلەرى پايدا بولعان جاعدايدا (دەنە قىزۋىنىڭ كوتەرىلۋى، جوتەل نەمەسە تۇشكىرۋ)؛
قاۋلىنىڭ بۇل بولىگى مىندەتتى تۇردە ورىندالۋى كەرەك. تالاپ ساقتالماعان جاعدايدا كىنالىلەر اكىمشىلىك جاۋاپكەرشىلىككە تارتىلادى.
پىكىر قالدىرۋ