ماحابباتتا مىلقاۋ بولۋ - مىقتىلىق

    Darkhan Muqantegi
    ماحابباتتا مىلقاۋ بولۋ - مىقتىلىق

    ۇنسىزدىك  رومانتيكاسى

    ءبىرىنشى جىر

    اي – تىلىمەن ايىقتىرار جارادان ،

    وگىز – اسپان تاۋدىڭ باسىن جالاعان

    شاق ەدى ءبىر ...

    قالقام ماعان قاراعان ،

    كىرپىگىمەن ءتۇننىڭ شاشىن تاراعان .

     

    ارمانىڭدى اقتارۋعا اسىق دەپ ،

    قاشادى وزەن ماعان مارجان شاشىپ تەك .

    كوك اسپاندى تار ساناعان كوپ جۇلدىز ،

    جانارىڭا سۇڭگىپ جاتتى قاشىپ كەپ!

     

    ۇقسادىڭ با اداسقان ءبىر بوتاعا ؟

    جەلمايا – بۇلت جەتتى جەلىپ ، و،توبا !

    ايتىلماعان ءانىمىزدى اعاشتا ،

    بۇلبۇل ءۇنسىز تۇسىرۋدە نوتاعا !

    ءتىسىم بالقىپ ،

    جابىسقانداي ماڭگى ەرىن ،

    قانتتاي ءبىر ءتاتتى مىلقاۋ قالدە ەدىم .

    جەل ۇرلەگەن بۇرىمىڭنىڭ ۇشىنا ،

    سوزىپ كەلە جاتتى باياۋ تاڭ قولىن ...

     

    تەك ۇنسىزدىك ماڭگىلىكتىڭ تۇراعى ،

    قوس بەينەمىز تۇندەردە ءالى تۇرادى .

    جۇرەگىمە تۇسكەن تاۋداي اجىمنەن ،

    اسا الماي كەلەدى سول كۇن ءالى ...

    ەكىنشى جىر

    تەك ۇنسىزدىك ايتا الاتىن ۇقتىرىپ ،

    ماحابباتتا مىلقاۋ بولۋ - مىقتىلىق .

    ءتۇيىپ ساقتاپ ءجۇرمىن ءتاتتى سىرىمدى ،

    قىزىل ءتىلدى قىزىل تورعىن شىت قىلىپ ...

     

    ءۇنسىز عانا ەلجىرەشى ،ەلىگىم ،

    ونسىز داعى ءسوز جەلىنەن جەرىدىم .

    عاشىق  جاندار پەرىشتە عوي ،

    پەرىشتە

    ءتىل قاتادى قىبىرلاتپاي ەرىنىن !

     

    باسىمداعى ارقار -ارمان اۋا ما ؟

    داۋىسىڭدى بەر تەك سوڭعى داۋاعا ...

    وقىپ تۇردىم جان سىرىڭدى جانارىڭ ،

    كىرپىگىڭمەن جازعانىندا اۋاعا !

     

    جىلاپ تۇرىپ ءبىر جارق ەتىپ، ءجاي تىنعان ،

    ءالى الىپ ءجۇر اق ساۋلەسىن اي تۇنعان .

    ماڭگىلىكتىڭ قۇلاعىنا جەتەر تەك ،

    اق سەزىمدەر ءۇنسىز تىلمەن ايتىلعان !!...

     

    انا

     

    كوزىنەن تامدى-اۋ ءبىر تامشى ،

    ەلەسى ول دا ۇلىنىڭ .

    كارى اتتاي بۇگىن قىرشاڭقى ،

    كەشەگى ەركە ق ۇلىنىڭ .

     

    ارتتاعى مەن دە، قارت انا ،

    ەل جايىن ويلاپ ەگىلەم .

    بۇتاعىن ساپتاپ بالتاعا ،

    كەسەردەي ءدىڭىن سونىمەن ...

     

    قىزعالداق گۇلدىڭ قۇتتى جىل

    تەرەتىن بىزدەر باياعى –

    كۇلتەلەرى قىپ-قىزىل

    كوزىمنەن جاس بوپ تامادى .

     

    سىرلاسى قىلعان اق قۇستى ،

    ەلىكتەپ ەدىم اسقارعا –

    جىل بويى اق قار - پاكتىكتى

    كوتەرىپ تۇرار اسپانعا .

     

    جاسىڭدى كوزدەن تامار مىڭ ،

    قۇلىنىم قاشان كەلەر دەپ –

    جىرىممەن توسىپ الارمىن ،

    قولىمنان باسقا نە كەلمەك ؟...ارتتاعى مەن دە ،قارت انا ،
    ەل جايىن ويلاپ ەگىلەم .
    بۇتاعىن ساپتاپ بالتاعا ،
    كەسەردەي ءدىڭىن سونىمەن ...

    قىزعالداق گۇلدىڭ قۇتتى جىل
    تەرەتىن بىزدەر باياعى –
    كۇلتەلەرى قىپ-قىزىل
    كوزىمنەن جاس بوپ تامادى .

    سىرلاسى قىلعان اق قۇستى ،
    ەلىكتەپ ەدىم اسقارعا –
    جىل بويى اق قار - پاكتىكتى
    كوتەرىپ تۇرار اسپانعا .

    جاسىڭدى كوزدەن تامار مىڭ ،
    قۇلىنىم قاشان كەلەر دەپ –
    جىرىممەن ءسۇرتىپ الارمىن ،
    قولىمنان باسقا نە كەلمەك ؟...

    *******

    المان ساتىپ ءبىر عازالعا عاسىردى ،

    ماڭگىلىككە ءمارمار قاقپا اشىلدى .

    ۋاقىتقا تىزە بۇكپەن اق تۋداي

    جەلبىرەتىپ اپپاق كۇمىس شاشىمدى .

    اينالدىرىپ جىردى شەكسىز اسپانعا ،

    جانارىمنان سان مىڭ جۇلدىز شاشىلدى .

     

    يىرسە دە جىلدار ءجۇز جىل ۇرشىعىن ،

    قيالىمنىڭ قيسايتا الماس قىلشىعىن.

    جانىم اشىپ جەتىم كۇشىك – جەلگە دە ،

    ۇيشىك قىلىپ بەردىم جۇرەك جىرتىعىن .

    بەينەسىن كوردىم تاۋدان بەيۋاق ،

    كەڭىستىكتىڭ سالبىراعان ۇرتىنىڭ .

     

    كەردەڭ باسقان ەربەڭدەتىپ قولدارىن ،

    كورىپ قالام كۇننىڭ داعى توڭعانىن .

    ەرىپ كەلەد ەتەگىمدى يىسكەلەپ ،

    جەتىم قوزى سەكىلدەنىپ جولدارىم .

    اقىن بولۋ – شانشىپ قالام ۇشىنا

    وتقا قاقتاپ ءوتۋ ەكەن ءوز جانىن .

     

    وت تامىزىپ ويىم جيار وتىننان ،

    ومىردەن دە وڭاشالاۋ وتىرعام .

    كارى اسپان دا كەمپىرقوساق – ءاجىمىن ،

    ءتۇرلى-تۇستى بوياۋىمەن جاسىرعان .

    ولسەم،ەگەر ، اق كەبىنگە ورانام ،

    ۋاقىتتىڭ اق شاشىنان توقىلعان ...

     

    ءامىرحان بالقىبەككە

     

    بۇگىن جارىق جىلىنان دا ۇزىن كۇن،

    ەسكى ارباداي كوڭىلىم مىڭ بۇزىلدىڭ .

    ات تۇياعىن تاي باسقانمەن،

    تۇلپاردىڭ

    تولتىرا الار تاۋ ورنىنداي ءىزىن كىم ؟

     

    قوعادايىن جەل – زامانعا باس ۇرعان،

    اقىندار ءجۇر ۇلپا– ميى شاشىلعان .

    نە دارمەن بار ؟!؟

    قاراپ تۇرمىن ...

    اي – ارۋ

    بارادى ءولىپ قۇس جولىنا اسىلعان!

     

    ۇلپىلدەگەن كەكىلىندەي قۇلىننىڭ،

    كەلەشەككە كەلدى تاس بوپ ۇرىلعىم .

    الىپ قالا المادى ما ومىردە

    ءتۇتىنى وراپ سوڭعى دوسىڭ – شىلىمنىڭ؟! ...

     

    قۇدىرەتتەن قۇرتقا اينالدىق جىبىرلاق،

    ىقىلىققا ۇلاسۋدا مىڭ ىرعاق .

    ەڭ سوڭعى رەت سوعىستىرعان وزىڭمەن

    بوكالىمداي باراد ميىم شىڭىلداپ!

     

    مىناۋ شەكسىز كەڭىستىكتى جاسقاعان،

    كەتتى ءۇزىلىپ ءبورى ۇنىندەي اسقاق ءان .

    سەنى ىزدەيمىن الماتىنىڭ قاپ-قارا

    كوشەسىنەن قارا تۇنگە باستاعان!

    **********

    قارا تاستاي كوزىمە ءتۇن باسىلدى،

    تيا المادىم سوندا دا كوز جاسىمدى .

    جاۋلىق سىندى باسىڭا وزگە وراعان،

    قىسىپ جاتىر اسپان مەنىڭ باسىمدى!

     

     

    ءسۇيىپ تۇرىپ سۇيگەندىگىن جاسىرعان،

    مىنەزىڭ بار اينىماس بۇل عاسىردان .

    كوز الدىمدا تۇرىپ الدى اپپاق اي،

    انارىڭداي جات بىرەۋگە اشىلعان!

     

    وتتى-كەتتى ...

    ءبارى جالعان، ءبارى شىن .

    نانمەن بىرگە جەلىنەدى نامىسىم!

    اققان ءجۇلدىز – وتكەن كۇنگە بەلگى قىپ

    كوك تەڭىزگە لاقتىرعان اق قانىتىم ...

     

    قۇيعا ءتۇسىپ قالعانىنداي قۇلىننىڭ،

    ۇمىتىلار ءبارى-بارى، ۇعىندىم .

    مەن وتىرمىن اي -انارىن اشىلعان،

    تۇتىنىمەن بۇركەپ قويىپ شىلىمنىڭ .

    قالاۋ سالەمەتباي ۇلى

     

    قاتىستى ماقالالار