ءبىلىم كۇنى – بۇل وقۋشىلار ءۇشىن عانا ەمەس، اتا-انالار ءۇشىن دە ايتۋلى كۇن. بالانى مەكتەپكە قالاي دايىىنداۋ كەرەك؟ مەكتەپ فورماسىن قايدان الۋعا بولادى؟ بۇل سۇراقتار جۇلدىزدارى قاراپايىم جانداردان كەم تولعاندىرمايدى.

قازاقستاندىق جۇلدىزدار ءبىلىم كۇنىنە  بالالارىنىڭ قالاي قارسى الاتىنى ايتتتى. بۇل تۋرالى "قامشى" اقپاراتتىق پورتالى Today.kz-كە سىلتەمە جاساي وتىرىپ حابارلايدى.

روزا رىمبايەۆا: ۇلى ءمادي، 15 جاس.

“ءمادي ءۇشىن كيىم تاڭداۋ – بۇل ۇلكەن وقيعا: مەن، ءالي مەن ءمادي ۇشەۋمىز دۇكەن ارالايمىز. ۇلكەن اعاسى ءاليدىڭ ءمادي الدىندا بەدەلى ۇلكەن، سوندىقتان، ونىڭ ءسوزى شەشۋشى ءرول وينايدى. الايدا ءالي ۇنەمى ءىنىسىنىڭ جاعىندا، ماعان ءقازىر نەنىڭ “ءساندى” ەكەنىن تۇسىندىرەدى. مەن شەتەلدەن سىيلىق اكەلۋگە تىرىسام، ءبىراق، كيىم تولا اۋىر چەمودانداردى تاسىعىم كەلمەيدى. ءمادي كۇلاش بايسەيىتوۆا اتىنداعى دارىندى بالالارعا ارنالعان مەكتەپ-ينتەرناتىندا وقيدى، وندا قاتال كيىم ءتارتىبى بار، سوندىقتان، ءسان “قۋۋدىڭ” پايداسى جوق. ءبىزدىڭ وتباسى برەندكە باس يۋشىلەردەن ەمەس. ءبىز قاراپايىم ادامبىز، وسى جىلى وزگە اتا-انالار سياقتى العاشقى قوڭىراۋعا بارامىن. جينالىستان قالمايمىن، ءمادي بۇزىقتىق جاساعاندا ديرەكتوردىڭ الدىندا قىزارعان كەزىم دە بولدى. باسشىلىق مەنىڭ حالىق ءارتىسى ەكەنىمە قارامادى. بۇل جاعىنان بوساڭسۋ جوق، قوڭىراۋ شالادى دا: “رىمبايەۆا! مادەنيەتكە!”، – دەيدى. شارۋالاردىڭ ءبارىن تاستايمىن دا، مەكتەپ ديرەكتورىنا اسىعامىن”، – دەپ روزا رىمبايەۆا بالاسى ءماديدى مەكتەپكە قالاي ازىرلەيتىنىمەن ءبولىستى.

جاقىندا “مەگاعا” بارىپ، مايكا مەن دجينسىلەر، ۇساق-تۇيەك العانبىز، 100 مىڭ كەتتى. بالا ءوسىرۋ ارزانعا تۇسپەيدى.

ءجاميلا سەركەبايەۆا: ۇلى ءشامىل، 15 جاس.

“ۇلىم 31 تامىزدا 15 جاسقا تولادى، مىنە ەكىنشى جىل بولدى اسكەري مەكتەپتە وقيدى. وندا فورما مەن كىتاپتاردى وزدەرى بەرەدى، مەنى ءشامىلدىڭ ءبىلىم الۋى كوبىرەك الاڭداتادى: ماتەماتيكا مەن اعىلشىن ءتىلى بويىنشا وقىتۋشىلار جالدادىم. جالپى بالالار تەز وسەدى، سوندىقتان، كيىمدى ءجيى الىپ تۇرۋ كەرەك. مەن نەمەسە اپاسى دۇكەن ارالايمىز، ءبىراق، شەشۋشى ءسوز شامىلدىكى. ويتكەنى، العان كيىم ۇناماسا، ولار سول كۇيى شكافتا قالادى. ول بىزبەن تالعام تۋرالى داۋلاسۋدان قورىقپايدى. 1 قىركۇيەك قارساڭىندا وعان شەتەلدەن ەرەكشە ءساندى، كۇندەلىكتى كيۋگە ارنالماعان ءبىر كيىم الامىن. ۇلىم نەگە ەكەنىن بىلمەيمىن، رەزىڭكە اياق كيىمدى ۇناتادى. سۇيىكتى ءتۇسى – قارا، سۇيىكتى ءانشىسى تيماتيدەن كەلگەن شىعار. جاقىندا “مەگاعا” بارىپ، مايكا مەن دجينسىلەر، ۇساق-تۇيەك العانبىز، 100 مىڭ كەتتى. بالا ءوسىرۋ ارزانعا تۇسپەيدى. “بالا وسەدى، باعالار دا وسەدى”، – دەپ كۇلەمىز. العاشقى قوڭىراۋعا مىندەتتى تۇردە بارامىن: مۇعالىمدەرگە العىسىمدى ايتامىن”، – دەيدى سكريپكاشى.

نەگىزىنەن، سومكە، اياق كيىم مەن وزگەسىن اراب امىرلىكتەرىنەن، تۇركيادان ساتىپ الىپ، دەمالىستى قوسا سوندا وتكىزەمىز.

پارۆيز نازاروۆ: قىزى گەسۋ.

“ۇلكەن ۇلىم تيمۋر 27 جاستا، ول ينستيتۋت ءبىتىرىپ، جۇمىس ىستەپ ءجۇر. ورتانشى قىزىم نيسسو مەكتەپ جاسىنان اسقان، ال كەنجە قىزىم گەسۋ وسى جىلى بەسىنشى سىنىپقا بارادى. ول ءبارىن ءوزى شەشەدى، سوندىقتان اناسى ەكەۋمىز ءامياندى قولعا ۇستاپ، ارتىنان ءجۇرىپ قانا وتىرامىز. نەگىزىنەن، سومكە، اياق كيىم مەن وزگەسىن اراب امىرلىكتەرىنەن، تۇركيادان ساتىپ الىپ، دەمالىستى قوسا سوندا وتكىزەمىز. جاقىندا حايناندا بولىپ، قايتاردا گۋانچجوۋ ارقىلى ۇشتىق. سول جەردەن  قىزىمىزعا تۋفلي كوردىك. ساتىپ الىپ، ۇيگە كەلگەسىن عانا قوراپشادان ەكى ءتۋفليدىڭ دە وڭ اياققا ەكەنىن  بايقادىق. الماتىدا ۇقساس تۋفلي تاپتىق، سوندىقتان 1 قىركۇيەككە دايىنبىز دەۋگە بولادى. تەك فورما تىكتىرۋ عانا قالدى. لينەيكاعا جۇبايىم جانە ۇلكەن بالالارىممەن بىرگە بارامىز بۇل – وتباسىلىق ءداستۇر. مۇعالىمگە گلاديولۋستار مەن راۋشان الامىز دەپ شەشتىك، بۇل ءبىزدىڭ سۇيىكتى گۇلدەرىمىز”، – دەيدى ءانشى.