«قازاقستانداعى ءاربىر ءۇشىنشى «التىن بەلگى» يەگەرى — وڭتۇستىك قازاقستان وبلىسى مەكتەپتەرىنىڭ تۇلەگى. بۇل وتە قۋانىشتى جاعداي. مۇنىڭ بارلىعى ۇلت كوشباسشىسى نۇرسۇلتان نازاربايەۆتىڭ دانا ءارى سالماقتى ساياساتىنىڭ جەمىسى»، - دەدى  ءبىلىم كۇنى مەرەكەسىندە شىمكەنت قالاسىندا ورنالاسقان «حيميا-بيولوگيا باعىتىنداعى نازاربايەۆ زياتكەرلىك مەكتەبىنە» بارىپ، مۇعالىمدەر مەن وقۋشىلاردى مەرەكەمەن قۇتتىقتاعان وقو اكىمى بەيبىت اتامقۇلوۆ.

«وبلىستا 18 112 وقۋشى ۇبت تاپسىرىپ، ولاردىڭ ورتاشا كورسەتكىش 78،8 باللدى قۇرادى. وعان قوسا ءاربىر ءۇشىنشى «التىن بەلگى» يەگەرى ءبىزدىڭ مەكتەپتەردىڭ تۇلەگى»، - دەپ اتاپ ءوتتى ءوڭىر باسشىسى.

سونداي-اق، وڭتۇستىكقازاقستاندىق وقۋشىلار 2015 جىلى العاش رەت رەسپۋبليكالىق ءپان وليمپياداسىنىڭ قورىتىندىسىنا سايكەس، 2 باعىت بويىنشا جۇلدەلى ءۇشىنشى ورىندى يەلەنگەنى دە بەلگىلى بولدى.

وبلىس باسشىسى ءوز سوزىندە بيىلعى جاڭا وقۋ جىلىندا 70 مىڭنان استام وقۋشى مەكتەپ تابالدىرىعىن العاش رەت اتتاعالى وتىرعانىنا توقتالدى. بۇل رەسپۋبليكاداعى ەڭ جوعارى كورسەتكىش. ەلىمىزدەگى ەڭ جوعارى تۋۋ كورسەتكىشى ءبىزدىڭ وبلىستا تىركەلىپ وتىر. تۇرعىنداردىڭ ءال-اۋقاتى جىلدان جىلعا جاقسارىپ كەلە جاتقانى دا تالاسسىز»، - دەدى ب.اتامقۇلوۆ.

وقو جاڭا وقۋ جىلىندا 49 جاڭا ءبىلىم بەرۋ مەكەمەسى پايدالانۋعا بەرىلسە، سونىڭ 22ء-سى بۇگىن، 1 قىركۇيەك كۇنى اشىلدى.

سونداي-اق، ب.اتامقۇلوۆ  اتقارىلعان جۇمىستاردىڭ ناتيجەسىندە ءۇش اۋىسىمدى مەكتەپتەر سانى 21-گە دەيىن قىسقاراتىنىنا نازار اۋداردى. ال،  46 اپاتتى جاعدايداعى مەكتەپتەن بار-جوعى 17ء-سى قالماق. وعان قوسا بيىل وقو-دا 74 مەكتەپ كۇردەلى جوندەۋدەن، 675 مەكتەپ اعىمداعى جوندەۋدەن وتكىزىلدى. جالپى، وڭىردەگى ءۇش اۋىسىمدى جانە اپاتتى جاعدايداعى مەكتەپتەر پروبلەماسى 2016-2017 جىلدارى تولىعىمەن شەشىلەدى دەپ جوسپارلانۋدا.

وبلىس باسشىسى نازاربايەۆ زياتكەرلىك مەكتەبىنىڭ سىنىپتارى مەن زەرتحانالارىن ارالاپ، وقۋشىلارمەن اڭگىمەلەستى.