جەلىدە اقىن ولجاس سۇلەيمەنوۆ پەن زايىبى مارگاريتا ۆلاديميروۆنانىڭ COVID-19 جۇقتىرعانى تۋرالى اقپارات تاراعان. اقپاراتتى الماتى قالاسى قوعامدىق دەنساۋلىق ساقتاۋ باسقارماسى راستادى. قازىرگى تاڭدا ناۋقاستاردىڭ جاعدايى جاقسارعان حابارلاندى.
"ولجاس سۇلەيمەنوۆ زايىبى ەكەۋى 5 قاڭتاردان بەرى كوروناۆيرۋستىڭ جەڭىل دەڭگەيى دياگنوزى بويىنشا ي.س.جەكەنوۆ اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ فيليالىندا (رۆ-90) ەم قابىلداپ جاتىر. جاعدايىنىڭ جاقسارۋىنا بايلانىستى 2021 جىلعى 15 قاڭتاردا ولاردى ءۇي جاعدايىندا ەمدەلۋ ءۇشىن اۋرۋحانادان شىعارۋ جوسپارلانعان" دەلىنگەن قوعامدىق دەنساۋلىق ساقتاۋ باسقارماسىنىڭ حابارلاماسىندا.
ءبۇعان دەيىن جۋرناليست بيگەلدى عابدۋللين ولجاس سۇلەيمەنوۆ پەن ونىڭ ايەلى مارگاريتا ۆلاديميروۆنا الماتىداعى مەديسينالىق مەكەمەلەردىڭ بىرىنە جەتكىزىلگەنىن، مارگاريتا ۆلاديميروۆنانىڭ جاعدايى اۋىرلاۋ ەكەنىن جازعان.
پىكىر قالدىرۋ