«ابايلاڭدار، بالالار!» جەدەل-الدىن الۋ شاراسىنىڭ اياسىندا الماتى پوليسەيلەرى قالا جولدارىنداعى وقۋشىلاردىڭ قاۋىپسىزدىك شارالارىن كۇشەيتتى. شارالاردىڭ ءبىرى جالپىعا ءبىلىم بەرەتىن وقۋ ورىندارىندا «كريس-پ» جىلجىمالى فوتورادار كەشەنىن ورناتۋ بولدى. بۇل تۋرالى قالانىڭ ءىىد باسپا ءسوز قىزمەتىنە سىلتەمە جاساعان قازاقپارات سايتى حابارلايدى.
«بۇل اكسيا 20 تامىزدا باستالعان. ول وقۋشىلاردىڭ مەكتەپكە ءقاۋىپسىز جولىن قامتاماسىز ەتۋ ءۇشىن جول-پاترۋلدىك پوليسياسى ينسپەكتورلارىنىڭ جاپپاي كەزەكشىلىگىن قامتيدى. الايدا، قالادا قارقىندى جول قوزعالىسىمەن وتكەل بولىگىنە تىكەلەي جاقىن ورنالاسقان وقۋ ورىندارى بار. بۇل ۋچاسكەلەرگە جۇرگىزۋشىنىڭ جاۋاپكەرشىلىگىن ارتتىرىپ، ولاردىڭ ءتارتىبىن جاقسارتاتىن بارىنشا پارمەندى شارالار قاجەت، سول ءۇشىن «كريس-پ» جۇيەسىنىڭ رەسۋرسىن پايدالانۋدى شەشتىك: وقۋ جىلىنىڭ باسىنان باستاپ ولار مەكتەپتەردىڭ جانىنا ءىشىنارا ورناتىلدى»، - دەپ حابارلادى الماتى ق. ءىىد اكىمشىلىك پوليسيا باسقارماسى باستىعىنىڭ ورىنباسارى پوليسيا پولكوۆنيگى جاندوس مۇراتالييەۆ.
اتاپ ايتقاندا، پوليسەيلىك تەحنيكا «اينابۇلاق» شاعىن اۋدانىنداعى مۇقاتايەۆ كوشەسى بويىنشا ورناتىلدى. شەت اۋداندا وتكەل بولىگى ماڭىندا ەكى مەكتەپ ورنالاسقان. اكسيانىڭ بەلسەندى قاتىسۋشىسى «جالپى جول» جول قوزعالىسى قاۋىپسىزدىگى قاۋىمداستىعى وكىلدەرىنىڭ ايتۋىنشا، ءبىرجاقتى قوزعالىس ۋچاسكەلەرىندە كوبىنەسە جىلدامدىقتى ارتتىرىپ، قوعامدىق كولىك جۇرگىزۋشىلەرى جول قوزعالىسى قاعيداسىن بۇزادى.
«بۇل رەتتە پراكتيكا تەك جازالاۋ شارالارىمەن جاعدايدى جاقسارتا المايتىندىعىن كورسەتتى، جول قوزعالىسىنا ءار قاتىسۋشى، اسىرەسە جۇرگىزۋشى اسا جوعارى جاۋاپكەرشىلىكپەن قاراپ قانا ەلدىڭ ەڭ ءىرى مەگاپوليسىندە جول جاعدايىنا وڭ ىقپال ەتە الادى. جۇرگىزۋشىلەرگە كۇندىز شامدى جاعۋ، قاۋىپسىزدىك بەلدىگىن قولدانۋ، بالالاردى ۇستايتىن قۇرىلعىنى پايدالانۋ، جۇرگىنشى جولىندا جول قاعيداسىن ساقتاۋ، قالا جولدارىندا جىلدامدىقتى اسىرماۋ قاجەتتىلىگى ءجيى ايتىلادى»، - دەدى پولكوۆنيك.
سونداي-اق، الماتى اكىمشىلىك پوليسيا باسقارماسىندا وقۋ باستالار الدىندا اۆتوكاسىپورىن، گاراج كووپەراتيۆتەرى، اۆتوبۋس جەلىلەرىندە جۇرگىزۋشىلەرمەن اڭگىمەلەسىپ، جولدا بالالارعا اسا كوڭىل ءبولۋدى ارتتىرۋ، قاۋىپسىزدىك بەلدىگىن مىندەتتى تۇردە قولدانۋ تۋرالى نۇسقاۋ بەرىلدى.
