اقوردادا تاعى دا ءاۋىس-تۇيىس. ق ر پرەزيدەنتى اكىمشىلىگى جەتەكشىسىنىڭ جاڭا ورىنباسارى تاعايىندالدى. بۇل تۋرالى «قامشى» پورتالى Tengrinews.kz-كە سىلتەمە جاساي وتىرىپ حابارلايدى.
"قۇمار اقساقالوۆتى قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى قىزمەتىنە تاعايىنداۋ تۋرالى" جارلىق ق ر پرەزيدەنتىنىڭ سايتىندا جاريالاندى.
"قۇمار ىرگەباي ۇلى اقساقالوۆ قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى بولىپ تاعايىندالسىن"، - دەلىنگەن حابارلامادا.
وسىعان دەيىن ول "نۇر وتان" پارتياسىنىڭ حاتشىسى بولعان. ول قازىرگى ۋاقىتتا شىمكەنت قالاسىنىڭ اكىمى قىزمەتىنە تاعايىندالعان عابيدوللا ءابدراحيموۆتىڭ ورنىنا كەلگەن ەدى. پارتيا حاتشىسى قىزمەتىنە دەيىن قۇمار اقساقالوۆ "نۇر وتان" ورتالىق اپپاراتىنىڭ جەتەكشىسى بولدى. ال وسىنىڭ الدىندا جامبىل وبلىسى اكىمىنىڭ ورىنباسارى قىزمەتىندە ءتورت جىل قىزمەت ەتتى.
