شەشەنستان رەسپۋبليكاسىنىڭ باسشىسى رامزان قادىروۆ مۇسىلمان مەملەكەتتەرىنىڭ باسشىلارىنا، سونىڭ ىشىندە قازاقستان، تۇركىمەنستان، وزبەكستان، ءازىربايجان جانە تاجىكستان رەسپۋبليكالارىنىڭ پرەزيدەنتتەرىنە ۇندەۋ جولداعان.

ول ءوزىنىڭ الەۋمەتتىك جەلىدەگى پارارقاشسىندا بوسقىن مۇسىلماندارعا قامقورلىق كورسەتىپ، باتىستىڭ قاتىگەز ساياساتىنا قارسى تۇرۋعا شاقىرعان. بۇل تۋرالى «قامشى» پورتالى tengrinews.kz-كە سىلتەمە جاساي وتىرىپ حابارلايدى.

شەشەن باسشىسىنىڭ مۇسىلمان مەملەكەتتەرى كوشباسشىلارىنا جولداعان ۇندەۋىنىڭ قازاق تىلىنە اۋدارىلعان نۇسقاسىن «قامشى» پورتالى نازارلارىڭىزعا ۇسىنادى.

رامزان قادىروۆ، شەشەنستان ليدەرى:

«اسسالاماعالايكۋم! جيىرما ءبىرىنشى عاسىر! اقش پەن باتىس ەلدەرى بيىك مىنبەرلەردەن الەمدەگى دەموكراتيا، ادام قۇقىقتارىن قورعاۋ جايلى ايتىپ، دۇنيەدە ادام ومىرىنەن اسقان بايلىق جوق دەيدى دە، وزدەرى ميلليونداعان بەيبىت تۇرعىنداردىڭ تراگەديالىق ءولىمىنىڭ سەبەپشىسى بولىپ وتىر. مىسالى، اۋعانستان، يراك، سيريا، پالەستينا، ليۆيا، يەمەن، الجير، سۋدان، سومالي جانە باسقا دا مۇسىلمان مەملەكەتتەرىن اشىق قىرىپ-جويۋدا. بۇل ەلدەردى اقش پەن باتىس قيراتتى، ەكونوميكاسىن كۇيرەتتى، ىشكى جانجالدار تۋدىردى، بەيبىت تۇرعىنداردى بوسقىن بولۋعا ماجبۇرلەدى. بۇگىندە سول ەلدەردەگى سوعىس پەن اشتىقتان مىڭداعان بوسقىن ەۋروپاعا قاشۋدا. ءبىراق، ولار جەرورتا تەڭىزىنە باتىپ جاتىر، جۇك كولىگىندە تۇنشىعىپ جاتىر. تەڭىز ولاردىڭ قابىرىنە اينالۋدا. بۇۇ باس حاتشىسى پان گي مۋن مەن ەۋروپا ەلدەرى باسشىلارى بۇل جايعا الاڭداۋشىلىق بىلدىرۋدە ەكەندىكتەرىن جەتكىزگەن. قازىرگى تاڭدا سوعىس جولىمەن ماسەلەنى شەشۋ مۇمكىن ەمەس. ال، ەۋروپانىڭ اينالىسىپ جاتقانى دا وسى. اللانىڭ ەلشىسى (س.ا.ۋ.) «مۇسىلماندار بىر-بىرلەرىنە كومەكتەسسىن» دەپ ايتقان. بۇگىن مىڭداعان مۇسىلمان، قاريالار، ايەلدەر، بالالار ءولىپ جاتىر. ال مۇسىلمان مەملەكەتتەرىنىڭ وسى جاعدايدا قول قۋسىرىپ قاراپ وتىرۋعا حاقىلارى جوق. ءۇنسىز قالماۋىمىز كەرەك.  ماحشاردا وسىنىڭ سۇراۋى اۋىر بولادى. مەن قولىمنان كەلگەن كومەگىمدى ايامايمىن. مەن مۇسىلمان رەتىندە ءبارىمىز ءبىر اللانىڭ ق ۇلى ەكەنىمىزدى ەسكەرتەمىن. ءبىز السىزدەرگە قورعان بولىپ، مۇقتاجدارعا كومەك قولىن سوزۋىمىز كەرەك.

سوندىقتان دا، تۇركيا، ساۋد ارابيا، ءباا، كاتار، ومان، باحرەين، كۋۆەيت، يواردانيا، يندونەزيا، مالايزيا، قازاقستان، تۇركىمەنستان، وزبەكستان، ءازىربايجان، تاجىكستان رەسپۋبليكالارىنىڭ باسشىلارىن دىنىمىزدەگى باۋىرلارىمىزدى قورعاۋعا شاقىرامىن. ەگەر باتىستىڭ قاتىگەز ساياساتىنا بۇگىن قارسى تۇرماساق، ەرتەڭ وسى مەملەكەتتەردىڭ كەز كەلگەنىنە ءقاۋىپ تونەرى ءسوزسىز. كانە، بۇگىننەن باستاپ ءبىر شەشىم قابىلدايىق! ءبىز مىڭداعان ادامدى ولىمنەن قۇتقارىپ قالا الامىز! ەرتەڭ كەش بولۋى مۇمكىن. اللاحۋ اكبار!!!».

نۇرزات توعجان