كەشە «سويۋز تما-18م» عارىش كەمەسى استانا ۋاقىتىمەن ساعات 13:39-دا حالىقارالىق عارىش بەكەتىنە جەتىپ، كەمە ەكيپاجى وسى بەكەتتە جۇمىس ىستەپ جاتقان التى عارىشكەرمەن جۇزدەستى.  بۇل تۋرالى «قامشى» پورتالى 24.kz-كە ارناسىنا سىلتەمە جاساي وتىرىپ حابارلايدى.

قازاقستاندىق عارىشكەر ايدىن ايىمبەتوۆتىڭ عارىشتاعى عىلىمي زەرتتەۋلەرى قازاق عىلىمىنىڭ دامۋىنا ۇلەس قوسپاق. قازاق عارىشكەرى عىلىمنىڭ ءتورت سالاسى بويىنشا جۇمىس ىستەيتىن بولادى.

عارىشكەر فيزيكالىق جەردى عارىشتان زەرتتەۋ مەديسينالىق جانە بيولوگيالىق عىلىمدار بويىنشا تاجىريبەلەر جۇرگىزەدى.

“حالىقارالىق عارىش بەكەتىندە تۇڭعىش رەت 9 عارىشكەردەن جاساقتالعان حالىقارالىق ەكيپاج جۇمىس ىستەيتىن بولادى”، – دەدى باسپا ءسوز كونفەرەنسياسىندا رەسەيلىك عارىشكەرلەر باعدارلاماسىنىڭ جەتەكشىسى ۆلاديمير سولوۆيەۆ.

سونداي-اق، عارىش كەمەسىنىڭ حالىقارالىق عارىش بەكەتىنە جەتۋىنە ەكى تاۋلىك ۋاقىتتىڭ جۇمسالعانىنا بايلانىستى قازاقستاندىق عارىشكەر ايدىن ايىمبەتوۆتىڭ جانە دانيالىق استروناۆت اندرەاس موگەنسەننىڭ عارىشتاعى ساپارى ەكى تاۋلىككە قىسقارىپ سەگىز تاۋلىكتى قۇراماق.

الايدا مۇنداي قىسقارتۋ قازاق عارىشكەرىنىڭ عىلىمي جوباسىن تولىق جۇزەگە اسىرۋعا كەدەرگى كەلتىرمەيتىن بولادى.

عارىشتاعى ساپارىن ءساتتى جالعاستىرىپ جاتقان ايدىن ايىمبەتوۆ عارىشتان قازاق حالقىنا جانە جەر پلانەتاسىنىڭ تۇرعىندارىنا سالەم جولدادى.

“بەرىلگەن تاپسىرمانى ۋاقىتىندا ورىندايمىن دەپ سەندىرەمىن. ءوزىمدى جاقسى سەزىنۋدەمىن، بەيىمدەلۋ جاقسى ءوتتى. جەرلەستەرىم مەن قازاقستاندىقتارعا سالامالەيكۋم”، – دەدى قازاق عارىشكەرى ايدىن ايىمبەتوۆ.