سوڭعى ديەۆالۆاسيادان كەيىن قازاقستاندا ازىق-تۇلىك باعاسى قاداعالاۋعا كونەر ەمەس. يمپورتتالاتىن تاۋارلاردى قوسپاعاندا،  وتاندىق وندىرۋشىلەردىڭ ءوزى ءونىم اقىسىن 20 پايىزعا ەسەلەتىپ جىبەرگەن. بۇل تۋرالى «قامشى» پورتالى كتك ارناسى مەن nur.kz-كە سىلتەمە جاساي وتىرىپ حابارلايدى.

ماسەلەن، ەڭ كوپ تۇتىناتىن ازىق تۇرلەرى: ۇن، سۇيىق ماي، ەت، قانت جانە ءسۇت باعاسى سوڭعى ءۇش اپتا ىشىندە 30 تەڭگەگە دەيىن كوتەرىلگەن.

دوللار باعامىنىڭ  ءوسۋى - قازاقستانداعى قىمباتشىلىقتى تۋدىرعان.  ءبىراق بۇل جولعى ءوسىمنىڭ سوزىلمالى بولاتىن ءتۇرى بار دەگەندى ق ر ۇكىمەت باسشىلارى بىرنەشە مارتە قايتالاعان.  وسىدان كەيىن-اق، شىعىنعا باتپاۋدىڭ جولىمەن  كاسىپكەرلەر دە تاۋار باعالارىن ءوسىرىپ جىبەرگەن. مىسالى،  ەت – 12 %-عا، سۇيىق ماي – 10%، ۇن – 5 %، ءسۇت – 20 %، قانت – 18 %، كوكونىس – 7-30 %-دى كورسەتىپ تۇر.

ءبىر قاپ شەكەردىڭ بۇرىنعى باعاسى – 3 500 تەڭگە بولسا، ءقازىر – 4 400 تەڭگەگە قىمباتتاتىپ جىبەرگەن.  ال ، 6 پايىزدىق ءسۇت 230 تەڭگە بولسا، ءقازىر 320 تەڭگە.

وسپەگەن ازىرگە تەك جالاقى عانا. سوندىقتان جۇرتتىڭ نارازىلىعى ورىندى.

قىمباتتاعانداردىڭ قاتارىندا قۇرىلىس تاۋارلارى دا بار. ماسەلەن، ەۋروپا مەن قىتايدان كەلەتىن ءتۇسقاعازدان باستاپ، تەمىر شاتىرلاردىڭ باعاسى دا شامامەن 40 پايىزعا وسكەن. 15 كۇن بۇرىن قۇتىسى 1500 تەڭگە تۇرعان بوياۋلار ءقازىر بازاردا 2 مىڭنان ساتىلۋدا. شىمكەنتتە ءۇي قۇرىلىسىن باستاعاندار جارتى جولدا ەرىكسىز جۇمىسىن دوعارۋعا ءماجبۇر.

باعانىڭ ءوسۋى- بۇدان بولەك كوممۋنالدىق قىزمەت اقىسىنا دا قاتىستى. بۇدان بىلاي ىستىق سۋ مەن سۋىق سۋ، جىلۋ جانە كوگىلدىر وتىننىڭ ءتاريفى ەسەلەنە تۇسپەك. ارينە، ءوسىم كيىم-كەشەك ساۋداسىندا دا بار. ال ەركىن اينالىمدا جۇرگەن دوللاردىڭ ءبىزدىڭ ۆاليۋتاعا شاققانداعى قۇنىنىڭ  بۇگىنگى كورسەتكىشى- 239 تەڭگە شاماسىندا.