اناۋ جىلدارى جاپونيادا جەر سىلكىنىسى بولعاندا قالعان ەل «ەندى قايتپەك ەكەن» دەپ ءبىر دۇرلىككەن بولاتىن. ءبازبىر بىلگىشتەر بۇل اپات ەندى جاپون ەكونوميكاسىن ەلۋ جىلعا دەيىن تۇرالاتىپ كەتۋى مۇمكىن دەپ جارىسا جازىپ جاتتى. كۇن شىعىس حالقىنىڭ سامۋرايلىق ساناسى مەن كاميكادزيلىك ەرلىگىن باعامداي بىلمەگەن جۇيەسىز سوزدەرگە ىشىمىزدەن ءبىر مىرس ەتىپ كۇلدىك تە قويدىق. سول جاپونياڭىز بۇگىندەرى تۇك تە بولماعانداي، الاپاتى ارتىپ، كۇننەن كۇنگە قارىشتاپ بارادى. اقشۋلان ارالدىڭ ورتاسىندا ورنالاسقان مەملەكەتكە بۇدان كەيىن دە نەندەي تىنىشتىق بولسىن دەپ مۇسىركەيتىندەرگە مىنانى ەسكەرتكىمىز كەلەدى: ءبىز سەيسمولوگيالىق تۇرعىدان بالدىق قۋاتى ودان پالەنباي ەسە پارمەندى جاعدايدىڭ ۇستىندە وتىرمىز.
جەمقورلىقتىڭ قاسىندا جەر سىلكىنىسى، سۋايتتىقتىڭ قاسىندا سۋنامي دەگەنىڭىز اپات پا، ءتايىرى. اسىرەسە، قۇلدىقتىڭ قاسىندا...
ىقىلاس وجاي ۇلى
