ادەبيەتشى عالىم، فيلولوگيا عىلىمدارىنىڭ دوكتورى، پروفەسسور، سىنشى قازاقستان رەسپۋبليكاسىنىڭ ەڭبەك سىڭىرگەن عىلىم قايراتكەرى تۇرسىنبەك كاكىشيەۆ دۇنيەدەن وزدى.

ول 1927 جىلى 15 تامىزدا اقمولا وبلىسىنىڭ  بۇلاندى اۋدانۆنا قاراستى بەرلى اۋىلىندا دۇنيەگە كەلگەن. 1950 جىلى قازاق مەملەكەتتىك ۇلتتىق ۋنيۆەرسيتەتىن، ال، 1960 جىلى قازاق كسر عا ءتىل جانە ادەبيەت ينستيتۋتىنىڭ اسپيرانتۋراسىن ءتامامداعان . قازاق كسر-نىڭ ەڭبەك سىڭىرگەن عىلىم قايراتكەرى (1979)، اكادەميك.

1960-1968 جىلدارى قازاق كسر عا-نىڭ مۇحتار اۋەزوۆ اتىنداعى ادەبيەت جانە ونەر ينستيتۋتىنىنىڭ اعا عىلىمي قىزمەتكەرى، ال 1968 جىلدان كازمۋ-دە اعا وقىتۋشى، دوسەنت، پروفەسسور، فيلولوگيانىڭ سىرتتاي (1978-1985)، كۇندىزگى (1985-1986) فاكۋلتەتتەرىنىڭ دەكانى، كوپ جىل وسى ۋنيۆەرسيتەتتىڭ فيلولوگيا فاكۋلتەتىندە "قازاق ادەبيەتىنىڭ تاريحى مەن سىنى" كافەدراسىنىڭ مەڭگەرۋشىسى بولعان.

قازاقستان جازۋشىلار وداعىنىڭ ساكەن سەيفۋللين اتىنداعى سىيلىعىنىڭ يەگەرى. حالىقارالىق جوعارى مەكتەپ عىلىم اكادەمياسىنىڭ قۇرمەتتى اكادەميگى، سونىمەن قاتار حالىقارالىق ايتماتوۆ اكادەمياسىنىڭ اكادەميگى. "پاراسات" وردەنىمەن،  بىرنەشە مەدالدارمەن ماراپاتتالعان.