استانا قالاسىنداداعى ءىرى جانارماي قۇيۋ بەكەتتەرىندە كولىك وتىنىنىڭ باعاسى ارزانداتىلدى. قازاقپارات اگەنتتىگىنىڭ حابارلاۋىنشا، «قازمۇنايگاز» ماي قۇيۋ ستانساسىندا  اي-92 ماركالى بەنزينى ءليترى 125 تەڭگەدەن ساتىلسا،  كەرەي-جانىبەك حاندار كوشەلەرىنىڭ قيىلىسىنداعى «نومادويل» ستانساسىندا وسىنداي ماركالى بەنزيننىڭ ءليترى بۇرىنعىشا – 108 تەڭگەدەن ساتىلۋدا. بۇل تۋرالى «قامشى» پورتالى nur.kz-كە سىلتەمە جاسايدى.

جانارماي بەكەتتەرىندەگى اي-95 ماركالى بەنزيننىڭ باعاسى – 136، اي-98ء-دىڭ ءليترى – 149، اي-96ء-نىڭ ءليترى – 129 تەڭگە، اي-98 بەنزينىنىڭ ءليترى 145 تەڭگە تۇرادى.

سوڭعى ەكى-ۇش كۇندە الماتىداعى جانارماي بەكەتتەرىندەگى بەنزين باعاسى اي-92/93 بەنزينىنىڭ ءليترى 127-130 تەڭگە شاماسىندا بولعان.

وسىنىڭ الدىندا قازاقستان ۇكىمەتى بەنزين جەتىسپەۋشىلىگىن بولدىرماۋ ءۇشىن اي 92/93 بەنزينىنىڭ باعاسىن مەملەكەتتىك رەتتەۋدەن باس تارتۋعا شەشىم قابىلداعانى تۋرالى جازعان بولاتىنبىز.

ۇكىمەتتىڭ مۇنداي شەشىمىنە ۆيسە-پرەمەر تۇسىنىك بەرە وتىرىپ، بۇرىن قازاقستان جەتىسپەيتىن بەنزيندى رەسەيدەن ءليترىن 1 رۋبل – 2،95 تەڭگە باعامىمەن 97 تەڭگەدەن ساتىپ الىپ، 108 تەڭگەدەن ساتىپ كەلگەنىن ايتقان.

ول سونىمەن بىرگە قازاقستاندا اي-80 ماركالى بەنزينى مەن ديزەل وتىنىنا باعا كوتەرىلمەيتىنىن اتاپ وتكەن.