اقش-تىڭ اسكەري-تەڭىز كۇشتەرى مەن بەيجىڭ ارمياسى وڭتۇستىك جۇڭگو تەڭىزىندە بەتپە-بەت كەلۋدى جيىلەتتى. "شيەلەنىس بۇرىن-سوڭدى بولماعان دەڭگەيگە جەتتى" دەپ جازدى Financial Times.
اقش ارمياسىنىڭ كونتر-ادميرالى دجەيمس كيرك "ءبىز جۇڭگو اسكەري قابىلەتىنىڭ كۇشەيگەنىن كوردىك. كۇن سايىن پايدالانىلاتىن كەمەلەر مەن ۇشاقتار سانى كوبەيگەن" دەپ مالىمدەدى.
جۇڭگو مەن اقش اسكەري ۇشاقتارى تايۆاننىڭ اۋە قورعانىسىن يدەنتيفيكاسيالاۋدىڭ وڭتۇستىك-باتىس بۇرىشىندا ەكى اپتا بويى شيەلەنىسكەن. اقپاراتقا سايكەس، قىتايلىق رەاكتيۆتى ۇشاقتار اقش سوعىس كەمەسىنە "راكەتالىق شابۋىلدار يميتاسياسىن" جاساپ، ۇشىپ كەتكەن.
مالىمەتتەر بويىنشا، اقش سوعىس كەمەسى ءجۇزىپ بارا جاتقاندا ايماققا قىتايلىق 11 اسكەري جويعىش ۇشاق، ونىڭ ىشىندە H-6 بومبالاۋشىلارى ۇشىپ كەلگەن.
"تايۆان مەن اقش بارلاۋ قىزمەتى قول جەتكىزگەن ۇشقىشتار كابيناسىنداعى اڭگىمەلەر يسترەبيتەل ۇشقىشتارىنىڭ اقش اسكەري كەمەلەرىنە قارسى زىمىران سوققىسى يميتاسياسىنا قاتىسقانىن راستادى" دەپ حابارلاندى.
وقيعاعا قاتىستى اقش اسكەري كۇشتەرى "جۇڭگو اگرەسسيۆتى ارەكەتتەرگە باردى" دەپ بايبالام سالۋدا.
سونىمەن قاتار، "USS Nimitz" پەن "USS تەودور رۋزۆەلت" دەپ اتالعان امەريكالىق ەكى سوعىس كەمەسى سۋدا بىرلەسكەن جاتتىعۋ وتكىزدى.
ەكى ءىرى سوعىس كەمەسىنىڭ بىرلەسكەن جاتتىعۋى 2012 جىلدان بەرى ءۇشىنشى رەت وتكىزىلىپ وتىر.
پىكىر قالدىرۋ