ۋكراينا رەسەيدىڭ قىرىمدى اننەكسيالاۋىن جانە ەلدىڭ شىعىسىنداعى قاقتىعىسقا قاتىسىن حالىقارالىق قىلمىستىق سوتتىڭ تەكسەرۋىنە كەلىسىم بەردى. بۇل تۋرالى «قامشى» پورتالى «ازاتتىققا» سىلتەمە جاساي وتىرىپ حابارلايدى.
ۋكراينا سىرتقى ىستەر ءمينيسترى پاۆەل كليمكيننىڭ رەسمي مالىمدەمەسىندە حالىقارالىق سوتتىڭ 2014 جىلدىق اقپانىنان بەرگى وقيعالارعا قاتىستى «تەرگەۋ جۇرگىزۋگە جانە قىلمىس جاساعاندارعا جازا كەسۋگە» مۇمكىندىگى بار ەكەنى ايتىلعان.
الايدا حالىقارالىق قىلمىستىق سوت تەكسەرۋ بىردەن باستالمايتىنىن ايتتى. بۇعان دەيىن كييەۆ حالىقارالىق قىلمىستىق سوتقا 2013 جىلدىڭ قاراشاسى مەن 2014 جىلدىڭ اقپانى ارالىعىندا ەلدە بولعان جاپپاي تولقۋدى تەكسەرۋگە دە رۇقسات بەرگەن.
بۇۇ مالىمدەۋىنشە، ۋكراينانىڭ شىعىسىنداعى قاقتىعىستان 7900-گە جۋىق ادام قازا تاپقان.
