قازاقستاندا حالىققا قىزمەت كورسەتۋ ورتالىقتارى بازاسىندا «ازاماتتار ءۇشىن ۇكىمەت» مەملەكەتتىك كورپوراسياسى قۇرىلاتىن بولدى. بۇل تۋرالى «قامشى» پورتالى «قازاقستان» ارناسىنا سىلتەمە جاساي وتىرىپ حابارلايدى.

 «حقكو-لار وتىنىمدەر قابىلداۋ جانە ناتيجەلەرىن بەرۋدى عانا جۇزەگە اسىرا وتىرىپ، تەك فرونت-كەڭسە قىزمەتتەرىن كورسەتۋدە. الەۋمەتتىك قورعاۋ، جەر قاتىناستارى، جىلجىمايتىن مۇلىكتى راسىمدەۋ قىزمەتتەرىن كورسەتەتىن باستى رمك-لاردى قوسۋ ارقىلى «ازاماتتار ءۇشىن ۇكىمەت» مەملەكەتتىك كورپوراسياسىن قۇرۋ تەك قانا وتىنىمدەردى قابىلداپ قانا قويماي، سونىمەن بىرگە ولاردى وڭدەۋ جۇمىستارىن دا ورىنداۋعا مۇمكىندىك بەرەدى. حالىققا قىزمەت كورسەتۋ ورتالىقتارى جۇمىسىنىڭ وڭ تاجىريبەسىن ەسكەرە وتىرىپ، ءبىرىڭعاي پروۆايدەردى «جەر كاداسترىنىڭ عىلىمي-وندىرىستىك ورتالىعى» رمك،  «جىلجىمايتىن مۇلىك ورتالىعى»، رمك جانە «زەينەتاقى تولەۋ جونىندەگى مەملەكەتتىك ورتالىق» رمك-نى قوسىۋ ارقىلى حقكو-لار بازاسىندا قۇرۋ ۇسىنىلادى»، — دەدى سارسەنوۆ زاڭ جوباسىن تانىستىرا وتىرىپ.

قازاقستان ازاماتتارى مەملەكەتتىك قىزمەتتەردى ءبىر جەردەن الاتىن بولادى.

ونىڭ اتاپ وتۋىنشە، زاڭ جوباسى «ازاماتتار ءۇشىن ۇكىمەت» مەملەكەتتىك كورپوراسياسى ۇعىمىن زاڭ جۇزىندە بەكىتۋدى، سونداي-اق «جەر كاداسترىنىڭ عىلىمي-وندىرىستىك ورتالىعى» رمك،  «جىلجىمايتىن مۇلىك ورتالىعى»، رمك جانە «زەينەتاقى تولەۋ جونىندەگى مەملەكەتتىك ورتالىق» رمك كورسەتكەن مەملەكەتتىك قىزمەتتەردى مەملەكەتتىك كورپوراسيانىڭ  كورسەتۋىن، مەملەكەتتىك قىزمەتتەر كورسەتۋ راسىمدەرىن جەتىلدىرۋدى، مەملەكەتتىك كورسەتىلەتىن قىزمەتتەردى وڭتايلاندىرۋدى كوزدەيدى.

«قازاقستان ازاماتتارى مەملەكەتتىك قىزمەتتەردى ءبىر جەردەن الاتىن بولادى. زاڭ جوباسى حالىقارالىق تاجىريبە، ونىڭ ىشىندە كانادا تاجىريبەسى نەگىزىندە ازىرلەندى. Canada Service ءبىرىڭعاي پروۆايدەرى مەملەكەتتىك قىزمەتتەردىڭ تولىق سيكلىن كورسەتۋ قاعيداتى بويىنشا جۇمىس ىستەيدى، ياعني قۇجاتتاردى قابىلداۋ، وڭدەۋ جانە بەرۋدى ۇيىمنىڭ ءوزى جۇزەگە اسىرادى»، — دەپ قورىتىندىلادى ۆيسە-مينيستر.