لاس-ۆەگاس قالاسىندا ءوتىپ جاتقان الەم بىرىنشىلىگىندە 59 كەلىگە دەيىنگى سالماقتاعى قازاقستاندىق بالۋان المات كەبىسبايەۆ قولا مەدال يەلەندى. بۇل تۋرالى «قامشى» پورتالى Bnews.kz-كە سىلتەمە جاساي وتىرىپ حابارلايدى.
سوڭعى بەلدەسۋىندە بەلارۋسيالىق سوسلان داۋروۆپەن كەزدەسكەن كەبىسبايەۆ 2-مينۋتتا قارسىلاسىن تازا جەڭدى. سونىمەن، قازاقستان قورجىنىندا گرەك-ريم كۇرەسىنەن ەكى جۇلدە بار. جارىستىڭ العاشقى كۇنىندە 75 كەلىگە دەيىنگى سالماقتا كۇرەسكەن بالۋانىمىز دوسجان قارتىقوۆ تا قولا يەلەنگەن بولاتىن.
جالپى، 2016 جىلى ريو-دە-جانەيرودا وتەتىن وليمپيادا ويىندارىنا قازاقستان سپورتشىلارى 21 جولداما جەڭىپ الدى.
