سالىمشىلارعا باعامنىڭ وزگەرۋىنە بايلانىستى وتەماقى  تولەنەتىن بولدى. بۇل تۋرالى «قامشى» پورتالى  Tengrinews.kz  سىلتەمە جاساي وتىرىپ حابارلايدى.  باسپا ءسوز ءماسليحاتى كەزىندە ق ر ۇلتتىق بانكىنىڭ ءتوراعاسىنىڭ ورىنباسارى قۋات قوجاحمەتوۆ  وسىلاي دەپ مالىمدەگەن.

ۇلتتىق بانك وكىلىنىڭ ايتۋىنشا، وتەماقى بەرۋدىڭ ءتارتىبى جاسالدى. ونى قازاقستاندىق بانكتەر جانە قارجىگەرلەر اسسوسياسياسى تالقىلاعان. دەپوزيت يەلەرى وتەماقى الۋ تۋرالى ءوتىنىشتى 2015 جىلدىڭ 1 قازانىنا دەيىن جازۋى ءتيىس. كەيىن مەرزىم ۇزارتىلۋى مۇمكىن. الايدا وتەماقى 2016 جىلى تولەنەتىن بولدى.

وتەماقىنى تەڭگەمەن اقشا جيناپ جاتقاندار عانا الا الادى. الايدا ولاردىڭ سالىمى 1 ميلليون تەڭگەدەن اسپاۋى قاجەت. سونىمەن قاتار، سالىمداردىڭ بانكتە بولعانىنا ءبىر جىلدان كەم بولماۋى كەرەك. ۇب ءتوراعاسىنىڭ ورىنباسارىنىڭ ايتۋىنشا، بۇل باعدارلامانى جۇزەگە اسىرۋ ماقساتىندا بانكتەردە call-ورتالىقتار مەن كەڭەسشىلەردىڭ جۇمىسى كۇشەيەدى. 

وسىعان دەيىن قازاقستاننىڭ ۇلتتىق بانكى يپوتەكالىق قارىزداردى قايتا قارجىلاندىرۋ باعدارلاماسىنا وزگەرىستەردى ەنگىزەتىنىن حابارلاعان ەدى. جۇمىس توبىنىڭ باعدارلامانى جاساۋ بويىنشا وتىرىسىندا قارىزداردى قايتا قارجىلاندىرۋدىڭ ەلدەگى ۆاليۋتا ساياساتىنا اسەرى ساراپقا سالىندى. ونىڭ قورىتىندىسى بويىنشا، جاڭا ۆاليۋتالىق باعام رەجيمىنىڭ ەسەبىندە بۇل باعدارلامانى تولىقتاي جۇزەگە اسىرۋعا مۇمكىندىك بەرەتىن شارالار جاسالىپ، قارالدى.  

تەرەنتيەۆتىڭ ايتۋىنشا، بانكتەر سالىمشىلاردان 7 مىڭ ءوتىنىش قابىلدادى، ولاردىڭ ىشىندە شامامەن 4 مىڭى ماقۇلداندى. دەپارتامەنت ديرەكتورىنىڭ ايتۋىنشا، جالپى يپوتەكالىق قارىزداردى قايتا قارجىلاندىرۋ باعدارلاماسى 25 مىڭ ادامعا قاتىستى بولادى، ونىڭ ىشىندە 5-7 مىڭى حالىقتىڭ الەۋمەتتىك تۇرعىدان ءالسىز توبى سانالادى. "باعدارلاماعا باقىلاۋ قويىلعان، ءاربىر 15 كۇن سايىن قوعامدىق بىرلەستىكتەرگە ەسەپ بەرەمىز"، - دەدى تەرەنتيەۆ.