تايلاندتا ءوتىپ جاتقان ازيا چەمپيوناتىندا قازاقستان ۇلتتىق قۇراماسىنىڭ قورجىنىنا تاعى ءبىر التىن مەدال ءتۇستى. اۋىر اتلەتيكادان 77 كەلىگە دەيىنگى سالماقتا جارىس جولىنا شىققان قازاقستاندىق ايدار قازوۆ ازيا چەمپيونى اتاندى. بۇل تۋرالى «قامشى» پورتالى Tengrinews.kz-كە سىلتەمە جاسايدى.

الەكسەي ني باپتاعان اۋىر اتلەتشى ايدار قازوۆ قوس سايىس قورىتىندىسى بويىنشا 350 كەلىنى كوتەرگەن. جۇلقا كوتەرۋدە 156 كەلىنى باعىندىرعان ايدار قازوۆ سەرپە كوتەرۋدە 194 كەلىنى ەڭسەرگەن. وسىلايشا جەرلەسىمىز بيىلعى ازيا چەمپيوناتىندا اۋىر اتلەتيكادان  التىن مەدەلدى قورجىنعا تۇسىرگەن.

قوس سايىس قورىتىندىسى بويىنشا ءدال وسىنداي سالماقتى (160+190) كحدر سپورتشىسى دجون مەنگ سونگ تا كوتەرگەن. الايدا ايداردىڭ سالماعى قارسىلاسىنان جەڭىل بولعاندىقتان جۇلدەنى جەرلەسىمىزگە بەرگەن.  ناتيجەسىندە وتانداسىمىز ازيا چەمپيونى اتاندى. قولا مەدال تاي سپورتشىسى چينناۆون چاتۋپحۋمعا بۇيىردى. ول قوسسايىس قورىتىندىسى بويىنشا 349 كەلىنى باسىنان اسىردى. ال بۇل سالماقتاعى ەكىنشى قازاقستاندىق زىلتەمىرشى باتىر اسىراروۆ 330 كەلىمەن (قوسسايىس) سەگىزىنشى ورىندى قاناعات تۇتتى.
وسىعان دەيىن تايلاندتاعى ازيا چەمپيوناتىندا اسەم سادىقوۆا مەن فاينا سيۆانبايەۆا قولا جۇلدەگەر اتانعان بولاتىن. 

نۇرزات توعجان