وسى جىلدىڭ باسىندا Tesla 1،5 ميلليارد دوللارعا بيتكوين ساتىپ العان. ال ءقازىر كومپانيا بيتكويندى بۇكىل اقش-تا تولەم ءادىسى رەتىندە ۇسىنىپ جاتىر. كومپانيا باسشىسى يلون ماسك اقش-تان سىرت ەلدەردە تۇراتىن ادامدار دا "وسى جىلدىڭ سوڭىنا تامان" كريپتوۆاليۋتامەن تولەم جاساپ، كولىك الا الاتىنىن ايتتى.

ماسك بۇل جاڭالىقتى تۆيتتەردە راستاپ، Tesla-عا تولەمدەر "بيتكوين رەتىندە بولاتىنىن" ايتتى.

ول ءوزىنىڭ تۆيتتەرىندە "ەندى Tesla-نى بيتكوينمەن ساتىپ الۋعا بولادى" دەپ مالىمدەدى.

ماسكتىڭ سوزىنشە، Tesla تەك "ىشكى" جانە "اشىق"  باعدارلامالىق جاساقتامانى پايدالانادى جانە كريپتوۆاليۋتا قوزعالىسىن تىكەلەي باسقارادى.

"Tesla-عا تولەنگەن بيتكوين فيات ۆاليۋتاسىنا اۋىستىرىلماي، بيتكوين رەتىندە ساقتالادى" دەپ قوستى ماسك.