وزبەكستانمەن شەكارالاس تۇراتىن قازاقتىڭ بارلىعى وزبەكشە سويلەي الادى. قىرعىزستانعا دا جاقىن اۋىلدارىمىزدىڭ بارلىعا كورشىمىزدى سوزدەن سۇرىندىرۋگە قاۋقارلى. رەسەيمەن كورشى قازاقتاردى ايتپاي-اق قويسا دا تۇسىنىكتى شىعار. قىزىق، نەگە عانا ءبىزدىڭ شەكاراعا جاقىن وزبەكتەر قازاق تىلىندە ەركىن سويلەمەيدى؟ قىرعىزدار دا ءبىزدىڭ ءتىلدى مەڭگەرۋگە قۇلىقتى بولا قويماپتى. ءبىز نەگە وڭگەنىڭ تىلىندە سويلەپ كەتۋگە شەبەرمىز وسى؟ دۇنيەدەگى ءوزىن-وزى سىيلامايتىن ۇلت ءبىز ەمەسپىز بە ؟ قىرعىزستانعا جاقىن ورنالاسقان قازاقتاردى كورىپ وسىنداي وي ءتۇيدىم. ال ءبىز بولساق، ورىس ءتىلى بولماسا، قازاق ءتىلى تۋعان جەرىندە ەركىن تىنىستار ەدى دەپ ويلايمىز. دەمەك، ورىس ءتىلى بولماسا، رەسمي ءتىلىمىز وزبەك نەمەسە قىرعىز ءتىلى بولىپ كەتۋى عاجاپ ەمەس-اۋ. شەكاراداعى قازاقتار، كورشى ءاقىسى-تاڭىر اقىسى عوي. ءبىراق تۋعان ءتىلىڭىزدىڭ اقىسىنان ۇتىلىپ قالماڭىزدار!
اينۇر تولەۋ
