كەشە ءبىر دوللاردىڭ 300 تەڭگەگە دەيىن قىمباتتاۋىن وڭتايلى پايدالانعىسى كەلگەن بەلگىسىز توپ Whatsapp جەلىسى ارقىلى «التىننىڭ» نارىققا ەنگەندىگى تۋرالى اقپارات تاراتقان. سونىمەن قاتار، جالعان اقپارات تاراتۋشىلار حابارلامادا جۇرتتى دوللاردى تەڭگەگە ايىرباستاۋعا ۇگىتتەگەن. بۇل تۋرالى «قامشى» پورتالى استانا ارناسىنا سىلتەمە جاساي وتىرىپ حابارلايدى.ۇلتتىق بانك ەۋرازيالىق ەكونوميكالىق وداق اياسىندا ءبىرىڭعاي ۆاليۋتانىڭ قولدانىسقا شىققانى تۋرالى الەۋمەتتىك جەلىلەردە تاراعان اقپاراتتى جوققا شىعاردى .
بەلگىلى بولعانداي سۋرەتتە ويدان شىعارىلعان ۆاليۋتا ۇلگىلەرى بەينەلەنگەن.
ال، ۇلتتىق بانكتەگىلەر ءبىرىڭعاي ۆاليۋتا شىعارۋ ءۇشىن كوپتەگەن حالىقارالىق كەلىسىمدەر جاساسۋ قاجەت، ءقازىر ونداي كەلىسسوزدەر جۇرگىزىلىپ جاتقان جوق ەكەنىن ايتىپ، الەۋمەتتىك جەلىلەردەگى اقپارات شىندىققا جاناسپايدى دەپ قىسقا قايىردى. تەڭگەنىڭ كۇننەن كۇنگە قۇنى تۇسكەن كەزەڭدە بەلگىلى ءبىر مۇددەسى بار توپتار حالىقتى ارانداتۋشىلىققا جەتەلەۋى مۇمكىن. سوندىقتان، رەسمي اقپارات كوزدەرىنىڭ دەرەكتەرىنە نازار سالىڭىزدار.
