تەڭگەنىڭ رەسمي قۇنسىزدانۋى ۇلتتىق بانكتىڭ ىشكى ۆاليۋتانى ەركىن اينالىمعا جىبەرگەن كۇنىنەن باستالعان بولاتىن. باستاپقىدا ساياسات وسىنداي بولدى ما، الدە احۋالدى رەتتەمەسە، جاعدايدىڭ قيىنداي بەرەتىنىن سەزدى مە  ۇلتتىق بانكتى باسقارىپ وتىرعاندار ۆاليۋتانى قاداعالاۋدى قولعا الۋدى ۇيعاردى. بۇل تۋرالى «قامشى» پورتالى بانكتىڭ باسپا ءسوز قىزمەتىنە سىلتەمە جاساي وتىرىپ حابارلايدى.دەمەك، جاعدايدى تۇراقتاندىرۋعا ارنالعان ۇلتتىق بانكتىڭ شىنايى مۇددەسى بىلاي ىسىرىلىپ، ەندىگى كەزەكتە حالىق الدىندا ۇپاي جيناۋ ناۋقانى باستالادى. ۇلتتىق بانك تەڭگەنىڭ ايىرباستاۋ باعامىنىڭ نارىقتىق دەڭگەيىنىڭ قالىپتاسۋىنا ارالاسپايدى، ءبىراق ەلدىڭ قارجى جۇيەسىنىڭ تۇراقتىلىعىن قامتاماسىز ەتۋ قاجەت بولعان جاعدايدا، ۆاليۋتالىق وكتەمدىكتەردى جۇرگىزۋ جولىمەن ىشكى ۆاليۋتا نارىعىنا قاتىسۋعا مۇمكىندىگى بار. ۇلتتىق بانكتىڭ ۆاليۋتالىق وكتەمدىگى ازىرگە  144 ميلليون دوللاردى قۇراعان. دەسەدە، جاعدايدى مۇنداي جولمەن رەتتەۋ- ماسەلەنى ۋاقىتشا عانا شەشەتىندىگىنە كوزىمىز جەتكەن. دەمەك، بۇل داعدارىستان قۇتقاراتىن جول ەمەس. كەرىسىنشە، جاعدايدى بۇلايشا رەتتەۋ ۇلتتىق بانكتىڭ وزىنە كەرى اسەرىن تيگىزۋى مۇمكىن

اينۇر تولەۋ