الەۋمەتتىك جەلىدە سانيتارلىق جاعدايى ساقتالماعان سوراقى ورىن دەپ جازىلعان اۋرۋحانانى الماتى قالاسىنىڭ اكىمى باۋىرجان بايبەك، ارنايى تەكسەرىپ باردى. بۇل تۋرالى «قامشى» پورتالى «نۇر.كز-كە» سىلتەمە جاساي وتىرىپ حابارلايدى.
ونداعى جاعدايدى كوزىمەن كورگەن باسشىلار، اۋرۋحانانىڭ باس دارىگەرى مەن تازالىققا جاۋاپتى ماماندارىن شۇعىل تۇردە جۇمىستان بوساتتى.ولار ىسىنە جاۋاپسىزدار ەندى بۇرىنعىداي مەملەكەتتىڭ قازىناسىنا قول سالمايتىنىن قاتاڭ ەسكەرتتى.
بىرنەشە كۇن بۇرىن، قالالىق بالالار جۇقپالى اۋرۋلار اۋرۋحاناسىندا جاتقان ەمدەلۋشى، پالاتادا سانيتارلىق جاعدايدىڭ جوق ەكەنىن جازىپ، الەۋمەتتىك جەلىدەگى پاراقشاسىنا سۋرەتتەرىن سالعان ەدى. بىردەن، نازارعا ىلىنگەن جاعدايدى قالا اكىمى ەسكەرىپ، شۇعىل تەكسەرىپ كەلدى. ءبىراق تەكسەرۋ بارىسىندا شاڭ باسقان پالاتا مەن توزىعى جەتكەن اجەتحانا جوق بولىپ شىقتى. اكىم كەلەدى دەگەندى قۇلاعى شالعان، اۋرۋحانا باسشىلارى ءبىر تۇندە بوياپ تاستاپتى. الايدا، سىرلانعان ەدەننىڭ بوياۋى كەۋىپ ۇلگەرمەپتى دە. وسىلايشا اكىم شارا قولدانۋعا كىرىسىپ كەتتى.
