مەملەكەت باسشىسى  اتىراۋ وبلىسىنا جاساعان  ساپارى بارىسىندا ق ر مۇناي جانە گاز ءمينيسترى ساۋات مىڭبايەۆتىڭ العىسقا تولى بايانداماسىن ءۇزىپ جىبەرىپ، تاقىرىپتى مۇناي جانە گاز سالاسىنداعى وزەكتى ماسەلەلەر مەن وڭىردەگى جۇزەگە اسىرىلىپ جاتقان جوبالارعا بۇردى. بۇل تۋرالى «قامشى» پورتالى Today.kz-كە سىلتەمە جاساي وتىرىپ حابارلايدى.

ءوز بايانداماسىندا مۇناي جانە گاز ءمينيسترى، قمگ اق باسقارما ءتورعاسى قازىرگى باعا كۋرسى ۇلتتىق كومپانيالاردىڭ  قارجىلىق تۇراقتىلىعىنا ايتارلىقتاي اسەر ەتكەنىن ايتا كەلە، ەلباسى نۇرسۇلتان ءابىشۇلىنا  ترانش تۇرىندەگى كومەك رەتىندە بولىنگەن 2،7 ميلليارد دوللار ءۇشىن العىس ايتقان بولاتىن.

«سەنىڭ بارلىق بايانداماڭ العىس ايتۋمەن شەكتەلەتىن بولدى. بىرەسە بيلىككە، بىرەسە ... ودان دا قازىرگى جاعدايدى ايت. ينۆەستورلارمەن قالاي جۇمىس جاساپ جاتىرسىڭدار؟ شيەۆروننىڭ دامۋ ماسەلەلەرى نە بولىپ جاتىر؟ قاشاعانمەن نە بولدى؟»،-دەپ مەملەكەت باسشىسى ناۋميەز ءمينيستردىڭ مىسىن باسىپ تاستادى.

«مەن تەك الەۋمەتتىك ماڭىزدىلارى جونىندە ايتقىم كەلگەن… “تەڭىز شيەۆرويل” تۋرالى ايتار بولسام، بولاشاق دامىتۋ جوبالارى 38 ملرد  دوللارعا شىقتى. سودان سوڭ، قازىرگى جاعدايدا بارلىق مەردىگەرلەرمەن بيۋدجەتتى قىسقارتۋ تۋرالى كەلىسسوز جۇرگىزۋ تۋرالى شەشىم قابىلداندى. جۇمىس كەلەسى جىلدىڭ مامىرىنان باستالادى دەپ كۇتىلۋدە. تشو اكسيونەرلەرى جوبا ىسكە اسادى دەپ سەندىردى»، – دەدى مىڭبايەۆ مىرزا.

وسىدان كەيىن ەلباسى مينيستر مىڭبايەۆقا ناقتى تاپسىرمالاردى ءتىزىپ بەردى.

«مىنە، «قازمۇنايگاز»، بيلىك جانە مينيسترلىك  تشو-مەن بىرلەسىپ وسى جۇمىستاردى اتقارۋ كەرەك جانە وتە جاقىن ارادا قولعا الىنسىن!»، – دەپ اتاپ ءوتتى ەلباسى.

ال، ساۋات مىرزا مەملەكەت باسشىسىنا قمگ جۇمىسىن تانىستىرا وتىرىپ، قاشاعانداعى اپاتتى جاعدايداعى قۇبىر جەلىلەرىن دانەكەرلەۋ جۇمىستارى تولىق جۇرگىزىلىپ جاتقانىن جانە دانەكەرلەۋ جۇمىستارى 2016 جىلدىڭ قىركۇيەك-قازان ايلارىندا اياقتالاتىنىن، ال كوممەرسيالىق تابىس كەلەسى جىلدىڭ اياعىنان باستاپ تۇسە باستايتىنىن ايتتى.

سونىمەن قاتار، ەلباسى سولتۇستىك - كاسپيي جوباسى بويىنشا اكسيونەرلەردىڭ شاعىمىن ايتتى.

«مەن Eni باسشىلىعىمەن سويلەستىم. ولار بىزدە كەلىسىمنىڭ جوقتىعىن ايتتى. بارلىعىن بىرىكتىرەتىن ورگان جوق ەكەن. مۇنى نە بيلىك، نەمەسە «قاشاعان» اكسيونەرلەرىنىڭ ءبىرى رەتىندە قمگ اتقارۋ كەرەك. ۆلاديمير سەرگەيەۆيچ (ەنەرگەتيكا ءمينيسترى ۆلاديمير شكولينيك )، مۇنىمەن اينالىساتىن سەن ەمەس پە؟» ، – دەدى پرەزيدەنت.

ۆلاديمير شكولنيك كومپانيالار مەن ورگانداردىڭ ءبىر ماقسات ءۇشىن جۇمىس ىستەيتىنىنە سەندىردى.

نۇرزات توعجان