ءماجىلىس ءتوراعاسى نۇرلان نىعماتۋلين VII شاقىرىلىمنىڭ I سەسسيا جۇمىسىن قورىتىندىلاي وتىرىپ، دەپۋتاتتىق كورپۋس ەلباسىنىڭ ستراتەگيالىق باستامالارىن، مەملەكەت باسشىسىنىڭ ساياسي رەفورمالارىن زاڭ جاعىنان قامتاماسىز ەتكەنىن اتاپ ءوتتى، دەپ حابارلادى ءماجىلىستىڭ باسپا ءسوز قىزمەتى.

نۇرلان نىعماتۋلين قوس پالاتا قاراۋىندا قوعام ءومىرىنىڭ وزەكتى ماسەلەلەرىنە قاتىستى 100-دەن اسا زاڭ جوبالارى بولعانىن ايتتى. بۇگىندە ولاردىڭ 63ء-ى قابىلدانىپ، 58-نە پرەزيدەنت قول قويدى.

سونىمەن قاتار، سەسسيا بارىسىندا دەپۋتاتتار باستاماسىمەن 24 زاڭ جوبالارى ازىرلەنىپ، ولاردىڭ 15ء-ى قابىلداندى.

وسى ۋاقىت ارالىعىندا ءماجىلىس دەپۋتاتتارى مەملەكەتتىك ورگاندارعا 200-دەن، سەنات دەپۋتاتتارى 40-تان اسا دەپۋتاتتىق ساۋال ءجولدادىۇ

– وسى سەسسيادا ۋاقىت تالابىنا ساي جاسالعان جەدەل جانە ناقتى قادامداردىڭ ارقاسىندا ءبىز ەلباسىمىزدىڭ جانە پرەزيدەنتىمىزدىڭ العا قويعان مىندەتتەرىن ساپالى زاڭدارمەن قامتاماسىز ەتتىك. ول زاڭدار ەڭ الدىمەن، ءاربىر ازاماتتى الەۋمەتتىك جاعىنان قورعاۋعا، ازاماتتاردىڭ وزەكتى پروبلەمالارىن شەشۋگە، ءومىر ساپاسىن ارتتىرۋعا ىقپال ەتتى. سونىمەن بىرگە، ءتيىمدى زاڭداردىڭ ارقاسىندا ەلىمىزدە ساياسي، ەكونوميكالىق رەفورمالاردى ودان ءارى جالعاستىرۋعا زاڭ جاعىنان ناقتى قادام جاسالدى. سوندىقتان، جەتىنشى شاقىرىلعان پارلامەنتتىڭ العاشقى سەسسياسىندا قول جەتكەن تابىستار جانە ناتيجەلەر تاۋەلسىزدىكتىڭ 30 جىلدىعىنا قوسىلعان زور ۇلەس دەپ بىلەمىز، – دەدى ن.نىعماتۋلين.

ايتا كەتۋ كەرەك، سەسسيا اياقتالعانىمەن دەپۋتاتتار وڭىرلەرگە، شالعايداعى اۋىلدىق جەرلەرگە بارىپ سايلاۋشىلارمەن كەزدەسەدى.